Hozeaš 7:12 - Le Devleskero Lav Andre Romaňi Čhib Slovensko 2021

¹² Sar džana, nacirdava pre lende miri sita, cirdava len tele sar le čiriklen; zachudava len sar šunava, hoj pes zdžan.

Hozeaš 7:12 ပူးပေါင်းရင်းမြစ်များ

O Job 19:6

akor džanen, hoj oda o Del kada kerďa. Ov mange nacirdňa e pasca a chudňa man andre.

Kazaťeľis 9:12

Se o manuš the avke na džanel, kana avel leskro časos, bo sar o ribi pes chuden andre meribnaskri sita a o čirikle hine chudle andre pasca, avke the le manušen zachudel o nalačho časos, so pre lende jekhvareste avel.

Jeremijaš 16:16

Dikh, bičhavava pal o but ribara,“ phenel o RAJ, „a on len chudena. Paľis bičhavava pal o but lovci a on len chudena andral savore verchi, andral savore brehi the andral o pukimen skali.

Jeremijaš 44:4

Bičhavavas ke tumende mire služobňiken le proroken pale a pale, hoj tumenge te phenen: ‚Ma keren kada džungipen, so našťi avri ačhav.‘

Ezechiel 12:13

Čhivava pre leste miri sita, ela zachudlo andre miri pasca a ľidžava les andre phuv le Babilončanengri, ale na dikhela o Babilon a merela ode.

Ezechiel 17:20

Nacirdava pre leste miri sita a chudela pes andre miri pasca. Ľidžava les andro Babilon a ode man leha sudzinava vašoda, hoj mange na sas verno.

Ezechiel 32:3

Kada phenel o RAJ, o Adonaj: ‚Čhivava pre tu miri sita le but narodenca a cirdena tut upre mira sitaha.

Hozeaš 5:9

O Efrajim ela zňičimen andre oda džives, sar les karhinava; maškar o kmeňi le Izraeloskre phenava oda, so pes čačes ačhela.

Zjaveňje 3:19

Me sakones, kas kamav, karhinav a zorales bararav avri. Vašoda av horľivo a visar tut le binendar!