Hozeaš 4:10 - Le Devleskero Lav Andre Romaňi Čhib Slovensko 2021

¹⁰ Chana, ale na čaľona; kerena o lubipen, ale na ela len čhave, bo omukle le RAJES vaš o lubipen.

Hozeaš 4:10 ပူးပေါင်းရင်းမြစ်များ

2. Kronicko 24:17

Pal oda sar muľa o Jehojada, o judska vodci avle a dine pačiv le kraľis. O kraľis priačhiľa pre lengre lava.

Žalmi 125:5

Ale olen, ko oddžan pro bange droma, o RAJ tradela het jekhetane olenca, ko keren o nalačhipen. O smirom pro Izrael!

Žalmi 36:3

Igen but peske pal peste gondoľinel, vašoda na udžanel peskro binos a na odsudzinel les.

Prislovja 13:25

Le čačipnaskres hin but chaben, hoj te čaľol, ale o nalačho hino furt bokhalo.

Jeremijaš 34:15

No tumen akana kerďan pokaňje a kerďan oda, so hin lačho angle mire jakha. Sako premukľan tumare phrales pre sloboda a phandľan anglal mande e zmluva andro Chramos, savo pes vičinel pal miro nav.

Jeremijaš 9:12

O RAJ odphenďa: „Vašoda, bo omukle miro zakonos, savo lenge diňom. Na šunde man aňi na kamle te kerel oda, so lenge phenďom.

Ezechiel 18:24

Ale te pes o spravodľivo manuš visarela peskre spravodľišagostar a chudela te kerel ajse džungale bini, sar kerel o bijedevleskro manuš, či šaj dživela? Ňisavo leskro spravodľišagos, savo kerďa, pes leske imar na leperela angle ola ňeverna skutki, so kerďa. Merela vaš peskro binos.

Ezechiel 22:9

Dživenas andre tu ola, ko keren o pľetki pre aver džene, hoj len te murdaren; chan pro verchi o obeti le modlengre a keren džungipena maškar o foros.

Hozeaš 4:14

Na marava tumare čhajen, hoj keren o lubipen, aňi tumare borijen, hoj nane pačivale; bo the o murša phiren pal o lubňa a anen o obeti le chramoskre lubňenca. O manuša, so na achaľon, ena zňičimen.

Hozeaš 7:4

Savore hine lubara; hine sar o rozlabardo bov, andre savo o pekaris na mušinel te čhivel kašta, kanastar rozkerďa o chumer dži akor, medik leske na avela upre.

3. Mojžišoskro 26:26

Sar tumenge zňičinava o skladi le chabeneskre, akor deš džuvľija pekena andre jekh bov o maro a rozďelinena tumenge les pre vaha; chana les, ale na čaľona lestar.

Micheaš 6:14

Chaha, ale na čaľoha, a furt aveha bokhalo; thoveha tuke vareso pre sera, ale na ačhela tuke oda, bo oda, so tuke kamľal te odthovel, zňičinava andro mariben.

Sofonijaš 1:6

olen, ko gele le RAJESTAR het, ko na roden le RAJES aňi pes ke leste na visaren.“

Haggeus 1:6

Sadzinenas but, ale skidenas frima. Chanas, ale na dočaľonas. Pijenas mol, ale na sas tumen dos. Urenas pre tumende o gada, ale na roztačonas lendar. Oda, ko peske zarodelas love, thovelas len andre chevaľi žeba.“