Hozeaš 10:6 - Le Devleskero Lav Andre Romaňi Čhib Slovensko 2021

⁶ The kadi modla ela ľigenďi andre Asirija sar e obeta le bare kraľiske. E ladž avela pro Efrajim, ladžala pes o Izrael vaš peskre plani.

Hozeaš 10:6 ပူးပေါင်းရင်းမြစ်များ

2. Kraľengro 17:3

Paľis o asiriko kraľis Šalmaneser geľa pro mariben pro Hošea. O Hošea pes leske zdiňa a mušinelas leske te počinkerel o daňe.

O Job 18:7

Leskre kroki sas zorale, ale slabisaľona; perela pro plani, save ov korkoro kerďa.

Izajaš 1:29

„Ladžana tumen vaš o posvetna dubi, pal save tumenge igen džalas; ľoľona avri ladžatar vaš o zahradi, save tumenge kidňan avri pro lašariben.

Izajaš 30:3

Ale le faraonoskri ochrana tumenge ela pre ladž a le Egiptoskro ciňos tumen anela pro asaben.

Izajaš 45:16

Ola, ko keren o modli, pes ladžana; savore ena teledikhle a ena pro asaben.

Jeremijaš 48:13

O Moab ela sklamimen peskre devlestar le Kemošistar, bo na pomožinela lenge. Ena avke sklamimen, sar sas o Izraeliti akor, sar thode peskro pačaben andre somnakuňi gurumňi andro Betel.

Jeremijaš 7:24

Ale on oda na kerenas a na kamenas man te šunel. Zacatones phirenas andre peskro nalačho gondoľišagos a visarde pes palal a na gele anglal.

Ezechiel 16:28

Paľis geľal te kerel o lubipen the le Asirčanenca, bo našťi dočaľohas. Kerehas lenca o lubipen, ale mek aňi akor tut na sas dos.

Ezechiel 36:31

Avela tumenge pre goďi tumaro nalačho dživipen the tumare nalačhe skutki a džungľona korkore tumenge vaš ola bini the džungale veci, so kerenas.

Daniel 11:8

Lela the lengre devlen, lengre trastune modlen the lengre vzacna rupune the somnakune nadobi a ľidžala len andro Egipt. Pro vajkeci berš mukela le kraľis pro severos andro smirom.

Hozeaš 4:19

E balvaj len pačarela andre peskre kridli a odphurdela; lengre obeti lenge anena e ladž.“

Hozeaš 4:7

So buter rašaja sas, buter bini kerenas angle mande; čerinava lengri slava pre ladž!

Hozeaš 5:13

Sar o Efrajim dikhľa peskro nasvaľiben a o Juda peskri rana, akor geľa o Efrajim andre Asirija a mangľa le bare kraľis vaš e pomoca. Ale ov tumenge našťi pomožinel aňi našťi sasťarel tumare rani.

Hozeaš 8:6

Se the ola modla kerďa o manuš andral o Izrael. Oda nane Del! Ela phagerďi pro kotorora – odi somnakuňi gurumňi andral e Samarija!

Micheaš 6:16

Doľikerehas o nalačhe zakoni le Omriskre the savore previsarde veci le Achaboskre khereskre; dehas tut te ľidžal lengre radenca. Vašoda tut, Jeruzalemona, dava te zňičinel, tire manušen anava pre ladž a ena teledikhle savore narodendar.“