Habakuk 2:12 - Le Devleskero Lav Andre Romaňi Čhib Slovensko 2021

¹² Vigos oleske, ko o foros ačhavel le rateha a le nalačhipnaha thovel o zakladi.

Habakuk 2:12 ပူးပေါင်းရင်းမြစ်များ

1. Kraľengro 16:34

Medik kraľinelas o Achab, jekh murš andral o Betel, savo pes vičinelas Chijel, chudňa pale te ačhavel o foros Jericho. Ale sar o Chijel thovelas o zakladi, leskro nekphureder čhavo o Abiram muľa. Paľis, sar dokerďa o foroskre brani, muľa leske the o terneder čhavo o Segub. Ov ačhaďa pale o Jericho vaš o dživipena peskre čhavengre, avke sar phenďa anglo but berš o Jozua, o čhavo le Nunoskro.

Ezechiel 24:9

Vašoda kada phenel o RAJ, o Adonaj: „Vigos le foroske, so čhorel avri o ňevinno rat! The me anava bari kopa kašta pre jag.

Micheaš 3:10

Tumen budinen o Sion le rateha a o Jeruzalem le nalačhipnaha;

Nahum 3:1

Vigos kale foroske! Murdarel le manušen, furt ča klaminel; hino pherdo le čorde vecenca; šoha na preačhel te čorel.

Habakuk 2:6

Či ola savore lestar na asana a na kerena pal leste o pherasune bajki? Či na phenena: ‚Vigos oleske, ko peske skidel o čorde veci a barvaľol pro interesa!‘ Dži kana mek?

2. Korinťanenge 1:21

Ale o Del hino oda, ko zoraľarel amaro the tumaro pačaben andro Kristus. Ov amen pomazinďa

Jozua 6:26

Andre oda časos o Jozua phandľa le manušen kala veraha: „Prekošlo mi el anglo RAJ oda, ko chudela pale te ačhavel kada foros Jericho! O zaklados thovela vaš o dživipen peskre ešebne čhaskro a o brani ačhavela vaš o dživipen peskre nekternedere čhaskro.“

Zjaveňje 17:6

A dikhľom la džuvľa, savi sas mači le Devleskre manušengre ratestar the le Ježišoskre švedkengre ratestar. Sar la dikhľom, igen man čudaľinavas.