Galaťanenge 5:10 - Le Devleskero Lav Andre Romaňi Čhib Slovensko 2021

¹⁰ Me tumenge pačav andro Raj, hoj na gondoľinena avres. Ale oles, ko tumen diliňarel andre, o Del marela, kajte ko oda ela.

Galaťanenge 5:10 ပူးပေါင်းရင်းမြစ်များ

Skutki 15:24

Šunďam, hoj varesave džene amendar, savenge amen ňič na prikazinďam, tumenge keren pharipen a na den tumen smirom peskre lavenca.

1. Korinťanenge 5:5

te del ole manušes le satanoske, hoj leskro ťelos te avel zňičimen, hoj leskro duchos te avel zachraňimen andro džives amare Rajeskro.

2. Korinťanenge 1:15

Andre kada pačaben kamľom te avel sigeder ke tumende, hoj te aven duvar požehňimen.

2. Korinťanenge 10:2

hoj te na mušinav te avel zoralo, sar avava pre varesave džene tumendar, so peske pal amende gondoľinen, hoj keras avke sar o manuša andre kada svetos.

2. Korinťanenge 10:6

A sam pripravimen te potrestinel savoren, ko na šunen, medik na avena šunde andre savoreste.

2. Korinťanenge 13:10

Kada tumenge pisinav, sar mek na som tumenca, hoj te na mušinav te avel prisno pre tumende, sar avava. Bo o Raj man na diňa autorita pre oda, hoj tumen te burinav, ale hoj tumen te budinav.

2. Korinťanenge 2:3

A kada tumenge pisinďom, hoj sar avava, te na avav smutno ole dženendar, kastar majinďomas te radisaľol. Bo pačav, hoj savoren tumen hin jekhetane manca radišagos.

2. Korinťanenge 2:6

Imar sas dos potrestimen oda manuš but tumare dženendar.

2. Korinťanenge 5:16

Akanastar imar na prindžaras ňikas avke, sar oda dikhen o manuša, bo kajte avke le Kristus varekana prindžarahas, akanastar les imar avke na prindžaras.

2. Korinťanenge 7:16

Radisaľuvav, hoj tumenge šaj pačas andre savoreste.

2. Korinťanenge 8:22

A bičhaďam lenca the avre phrales. Les buterval skušinďam avri a dikhľam, hoj hino igen horľivo. Ale akana mek buter kamel te pomožinel, bo hin les andre tumende baro pačaben.

Galaťanenge 1:7

Ale aver evaňjelium nane. Ča hin varesave džene, so tumen diliňaren andre, bo kamen te previsarel o evaňjelium le Kristoskro.

Galaťanenge 2:4

Ča varesave falošna phrala oda kamenas, bo kamenas amendar te kerel otroka. On pes sar špijona ispidle počoral andre, hoj te musaren amari sloboda, so amen hin andro Ježiš Kristus.

Galaťanenge 2:6

Ale ola, kas o manuša ľikerenas sar vodcen, paš oda evaňjelium ňič buter na dothode – kajte man andre oda nane ňič, ko sas on, bo o Del na dikhel jekhe manušes barederes sar avres.

Galaťanenge 3:1

Ó, tumen nagoďaver Galaťanale! Ko tumen diliňarďa andre? Se avke žužes tumenge sas oda avriphendo, sar muľa o Ježiš Kristus pro kerestos – avke sar te oda dikhľanas tumare jakhenca!

Galaťanenge 4:11

Darav man pal tumende, či man tumenca na trapinďom zbitočňe.

Galaťanenge 4:17

Ola manuša tumen kamen te dochudel a sikaven, hoj lenge igen džal pal tumaro lačho. Ale on tumen ča kamen te odlel mandar, bo kamen, hoj te džan pal lende.

Galaťanenge 4:20

Akana kamľomas te avel paš tumende, hoj tumenca te vakerav avres, bo igen man pal tumende darav.

Galaťanenge 5:12

Ola manuša, save tumen upre maren, peske mi den te čhinel avri the sa!

Galaťanenge 5:7

Avke mištes denašenas! Ko tumen zaačhaďa, hoj te na šunen o čačipen?

Galaťanenge 6:17

A akanastar man imar ňiko te na trapinel, bo me ľidžav pre miro ťelos o jazvi le Kristoskre.

Filipanenge 3:15

A kavke kampel te gondoľinel amenge savorenge, ko sam dospela andro pačaben. A te pal varesoste avres gondoľinen, the oda tumenge mek o Del sikavela.

2. Tesaloničanenge 3:4

Pačas tumenge andro Raj, hoj imar keren a the kerena, so tumenge amen prikazinas.

1. Timoteoske 1:20

Lendar hin o Himeneos the o Alexander, saven diňom le satanoske, hoj te odsikľon pes te ruhinel.

Filemonoske 1:21

Pisinďom oda avke, bo pačav, hoj sal šundo a kereha meksa buter, sar tuke phenďom.