Galaťanenge 4:17 - Le Devleskero Lav Andre Romaňi Čhib Slovensko 2021

¹⁷ Ola manuša tumen kamen te dochudel a sikaven, hoj lenge igen džal pal tumaro lačho. Ale on tumen ča kamen te odlel mandar, bo kamen, hoj te džan pal lende.

Galaťanenge 4:17 ပူးပေါင်းရင်းမြစ်များ

Matuš 23:15

Vigos tumenge, zakoňikale the Farizejale, tumen dujemujengre! Bo predžan o moros the e phuv, hoj te dochuden jekhe manušes andre tumaro pačaben, a sar pes visarel, keren lestar čhavo le pekloskro, duvar goreder sar san tumen.

Rimanenge 10:2

Šaj phenav, hoj labon pal o Del, ale nane len spravno prindžaripen.

Rimanenge 16:18

Bo kajse manuša na služinen amare Rajeske le Ježišoske Kristoske, ale peskre ťeloskre žadoscenge. Peskre gule lavenca the šukare vakeribnaha odcirden le pačivale manušen, save hine slaba andro gondoľišagos.

1. Korinťanenge 11:2

Lašarav tumen phralale vaš oda, hoj furt man leperen a ľikeren tumen olestar, so tumen sikaďom, avke sar tumenge oda podiňom.

1. Korinťanenge 4:18

Varesave džene tumendar ačhile barikane, bo peske gondoľinen, hoj na avava ke tumende.

1. Korinťanenge 4:8

Imar tumen hin savoro, so tumenge kampel? Imar barvaľiľan? Imar chudňan te kraľinel bijal amende? No kamľomas, hoj čačes te kraľinen a hoj amen te kraľinas jekhetane tumenca!

2. Korinťanenge 11:3

Ale darav man, hoj pes tumaro gondoľišagos te na visarel het le čačipnastar the le žužipnastar ko Kristus, avke sar o beng cirdňa pro binos la Eva peskre klamišagoha.

Galaťanenge 4:16

Ačhiľom akana tumaro ňeprijaťeľis oleha, hoj tumenge phenav o čačipen?

Galaťanenge 4:18

Hin mištes te tumenge džal pal o lačho; a oda furt, a na ča akor, sar som tumenca.

Filipanenge 2:21

Bo savore roden ča peskro a na le Ježišoskro Kristoskro.

2. Peter 2:18

Bo vakeren bare lava, so na anen ňisavi chasna a cirden andro džungale ťelesna žadosci ajse manušen, save mekča akana denašle olendar, save dživen andro diliňipen.

2. Peter 2:3

No ola falošna učiťeľa kamena ča o love, vašoda tumenca thovena avri a phenena tumenge oda, so peske gondoľinde avri. Le Devleskro sudos kale falošne učiťeľenge imar hino pripravimen čirla a Oda, ko len zňičinela, na sovel.