Filipanenge 3:7 - Le Devleskero Lav Andre Romaňi Čhib Slovensko 2021

⁷ Ale oda, so mange sas pre chasna, akana prekal ma hin sar ňič vaš o Kristus.

Filipanenge 3:7 ပူးပေါင်းရင်းမြစ်များ

1. Mojžišoskro 19:17

Sar len ľigenenas avri, jekh lendar phenďa: „Denaš, hoj te na meren! Ma obdikh tut palal a ma zaačhav tut ňikhaj andre dolina. Denaš pro verchi, hoj te na meres!“

1. Mojžišoskro 19:26

Le Lotoskri romňi pes obdikhľa palal a čerinďa pes pro londo slupos.

O Job 2:4

O satan odphenďa: „E cipa vaš e cipa! O manuš dela savoro, so les hin, hoj peske te zachraňinel o dživipen.

Prislovja 13:8

O barvalo peske šaj počinel, hoj les te na murdaren, no o čoro pes na mušinel oleha te trapinel.

Prislovja 23:23

Cin tuke o čačipen a ma biken les, cin the o goďaveripen, o dovakeriben the o achaľuvipen.

Kazaťeľis 3:6

časos te rodel a časos te našavel, časos te garuvel a časos te čhivel het,

Matuš 16:26

Bo so hin le manušes olestar, hoj calo svetos ela leskro a o dživipen našavela? Soha šaj o manuš počinel vaš peskro dživipen?

Marek 10:50

O koro čhiďa tele peskro plašťos, chučiľa upre a geľa ko Ježiš.

Лукастар 14:26

„Te vareko kamel te avel pal ma, mušinel man te kamel buter sar peskre dades vaj peskra da, peskra romňa vaj peskre čhaven, peskre phralen vaj peskre pheňen, a mek the buter sar peskro dživipen. Te na, akor našťi ačhel miro učeňikos.

Лукастар 14:33

Avke ňiko, ko na omukel savoro, so les hin, našťi el miro učeňikos.“

Лукастар 16:8

A o raj lašarďa le napačivale sluhas, hoj kerďa avke goďaha. Bo kale svetoskre manuša keren jekh avreha goďavereder sar o čhave le švetloskre.

Skutki 27:38

Sar savoredžene čaľile, chudle te čhivkerel andral e loďa avri o zrnos, hoj te ačhel e loďa lokeder.

Židenge 11:26

Te avel pre ladž vaš o Kristus sas prekal leste feder sar o barvaľipen andral o Egipt, bo dikhelas anglal pre peskro počiňiben.