Filipanenge 2:26 - Le Devleskero Lav Andre Romaňi Čhib Slovensko 2021

²⁶ Igen tumen kamelas te dikhel a na sas leske mištes, hoj tumen došunďan, hoj nasvaľiľa.

Filipanenge 2:26 ပူးပေါင်းရင်းမြစ်များ

2. Samueloskro 13:39

A o David igen kamelas te džal ko Absolon, bo imar les pregeľa o pharipen pal oda, hoj o Amnon muľa.

2. Samueloskro 24:17

Sar o David dikhľa le aňjelos, savo murdarel le manušen, phenďa le RAJESKE: „Me kerďom binos. Me, o pasťjeris, som vinnovato! On hine ča bakrore, on na kerde ňič! Mangav tut, mar man the mira famelija.“

O Job 9:27

Te mange phenava: ‚Bisterava pre miri žaľa, čerinava miro smutno muj a asava,‘

Žalmi 69:20

Tu džanes, sar mange dophenen, sar mange keren ladž a asan mandar; tu prindžares savoren, ko pre ma džan.

Prislovja 12:25

O starišagos andro jilo ispidel le manušes tele, ale o šukar lav les hazdel upre.

Izajaš 61:3

Bičhaďa man ko manuša andro Sion, so hine andro pharipen, hoj len te dav e šukar koruna vaš o prachos andral o bov, o olejos le radišagoskro vaš o roviben, a o ruchos la chvalakro vaš o strapimen duchos. Vičinena len o dubi le spravodľišagoskre, o sados le RAJESKRO, hoj pes te oslavinel.

Matuš 11:28

Aven ke mande savore, so san strapimen a na birinen! Me tumenge dava te odpočovinel.

Matuš 26:37

Iľa peha le Peter the le Zebedeoskre duje čhaven. A zaiľa les o pharipen the e žaľa.

Skutki 21:13

Ale o Pavol odphenďa: „So keren? Soske roven a dukhaven miro jilo? Bo me som pripravimen, na ča man te del te phandel, ale the te merel andro Jeruzalem vaš o nav le Rajeskro le Ježišoskro.“

Rimanenge 1:11

Bo igen tumen kamav te dikhel, hoj tumen te dav varesavo duchovno daros, hoj te zoraľon.

Rimanenge 12:15

Radisaľon olenca, ko radisaľon, a roven olenca, ko roven.

Rimanenge 9:2

hoj man hin bari žaľa a bari dukh andro jilo, savi na preačhel.

1. Korinťanenge 12:26

A te cerpinel jekh kotor, jekhetane leha cerpinen the okla kotora; a te lašaren jekhe kotores, jekhetane leha radisaľon savore kotora.

2. Korinťanenge 9:14

On pes vaš tumenge modľinen a igen tumen kamen, bo le Devleskri milosť upral tumende hin igen bari.

Galaťanenge 6:2

Ľidžan o pharipena jekh avreskre a oleha naplňinena o zakonos le Kristoskro.

Efežanenge 3:13

Vašoda tumen mangav, hoj tumen te na zaačhavel miro pharipen vaš tumenge, bo oda hin prekal tumaro lašariben.

Filipanenge 1:3

Paľikerav mire Devleske, kecivar mange ča pre tumende leperav.

Filipanenge 1:8

O Del mange hino švedkos, sar mange pal tumende savorende igen džal le Ježišoskre Kristoskre kamibnaha.

Filipanenge 2:25

Dičholas pes mange avke, hoj kampel ke tumende te bičhavel pale le Epafroditos, mire phrales – savo manca jekhetane kerel e buči a jekhetane pes manca the marel – saves tumen bičhaďan, hoj pes te starinel pal oda, so mange kampel.

Filipanenge 2:27

Bo ov čačes pro meriben nasvaľiľa, ale o Del sas ke leste lačhejileskro, a na ča ke leste, ale the ke mande, hoj man te na el mek bareder pharipen.

Filipanenge 4:1

Avke, mire lačhe phralale, saven kamav a save mange chibaľinen, tumen san miro radišagos the miro lašariben! Vašoda, mire kamibnaskre phralale, ačhen zoraha andro Raj!

1. Peter 1:6

Radisaľon olestar, kajte mek akana pro sikra mušinen te predžal le pharipnaha prekal o všelijaka skuški.