Filipanenge 2:22 - Le Devleskero Lav Andre Romaňi Čhib Slovensko 2021

²² Ale pal o Timoteus džanen, sar pes presikaďa, bo sar o čhavo le dadeha jekhetane manca služinelas andro evaňjelium.

Filipanenge 2:22 ပူးပေါင်းရင်းမြစ်များ

Skutki 16:2

O phrala andral e Listra the Ikonija pal leste mištes vakerenas.

Rimanenge 5:4

a andre trpezľivosť pes presikavel, či obačhiľam; a oda amenge anel e naďej.

1. Korinťanenge 16:10

Sar avela o Timoteus, dikhen, hoj pes te na mušinel te daral ke tumende, bo ov kerel le Rajeskri buči avke sar me.

1. Korinťanenge 4:17

Vašoda tumenge bičhaďom le Timoteus, mire čhas, saves kamav a savo hino pačivalo andro Raj. Ov tumenge leperela, sar me dživav andro Ježiš Kristus – oda, so sikavav všadzik andre dojekh khangeri.

2. Korinťanenge 2:9

Bo vašoda kada pisinďom, hoj te dikhav, sar andre odi skuška obačhena a či kerena savoro avke, sar phenďom.

2. Korinťanenge 8:22

A bičhaďam lenca the avre phrales. Les buterval skušinďam avri a dikhľam, hoj hino igen horľivo. Ale akana mek buter kamel te pomožinel, bo hin les andre tumende baro pačaben.

2. Korinťanenge 8:24

Vašoda lenge presikaven tumaro kamiben avke, hoj savore khangera te džanen, soske pes tumenca lašarahas.

2. Korinťanenge 8:8

Na phenav oda sar rozkazis. Ale leperav, sar igen kamen te del aver džene, hoj te skušinav avri, savo čačo hin tumaro kamiben.

Filipanenge 1:12

Phralale, kamav, hoj te džanen, hoj oda, so pes mange ačhiľa, pomožinďa le evaňjelioske.

Filipanenge 1:16

On oda keren kamibnastar, bo džanen, hoj kade som vašoda, hoj braňinav o evaňjelium,

Filipanenge 1:5

bo mange pomožinenas andre služba le evaňjelioskri le ešebne dživesestar dži akana.

Filipanenge 1:7

Me mange oda šaj gondoľinav pal tumende savorende. Se tumen mange san andro jilo, bo savoren tumen hin o kotor manca pre milosť le Devleskri, či akana, sar som andre bertena, abo akor, sar braňinahas a zoraľarahas o evaňjelium.

Filipanenge 2:20

Bo nane man ňiko ajso sar ov, ko avke pal tumende gondoľinel a čačes pes pal tumende starinel.

1. Timoteoske 1:18

Timoteus, čhavo miro, kada prikazis, so tuke dav, hino zathodo pro prorocka lava, save tuke sas angloda phende. Te keres pal ola lava, mares tut lenca o lačho mariben

1. Timoteoske 1:2

pisinav le Timoteoske, mire čače čhaske andro pačaben: Mi del tut o Del o Dad the o Ježiš Kristus, amaro Raj, e milosť, o lačhejileskeriben the o smirom!

1. Timoteoske 4:6

Te kada sikaveha le phralen, aveha lačho služobňikos le Ježišoske Kristoske, avribarardo le pačabnaskre lavenca the le lačhe sikavibnaha, savestar tut dži akana ľikerehas.

2. Timoteoske 1:2

pisinav le Timoteoske, mire čhaske, saves kamav: Mi del tut o Del, o Dad, the o Ježiš Kristus, amaro Raj, e milosť, o lačhejileskeriben the o smirom!

2. Timoteoske 3:10

Ale tu tut mištes ľikerehas mire sikavibnastar a kerehas avke sar me andre miro dživipen, bo tu dikhehas miro pačaben, miro zľikeriben, miro kamiben the miri trpezľivosť,

Titoske 1:4

Pisinav le Titoske, mire čače čhaske, andre amaro jekhetano pačaben: Mi del tut o Del o Dad the o Ježiš Kristus, amaro Spasiťeľis, o smirom the e milosť!