Filipanenge 2:20 - Le Devleskero Lav Andre Romaňi Čhib Slovensko 2021

²⁰ Bo nane man ňiko ajso sar ov, ko avke pal tumende gondoľinel a čačes pes pal tumende starinel.

Filipanenge 2:20 ပူးပေါင်းရင်းမြစ်များ

Žalmi 55:13

Te mange dophenďahas oda, ko pre ma džal, birinďomas oda te zľidžal a te pre ma avľahas oda, ko man našťi avri ačhel, garuďomas man leske.

Prislovja 31:29

Phenel lake: „But džuvľa hine lačhe romňija, ale tu sal savorendar nekfeder!“

O Evaňjelium le Janoskro 10:13

Oda manuš denašel het, bo ov hino ča najomňikos a na bajinel pal o bakrore.

O Evaňjelium le Janoskro 12:6

Ov oda na phenďa vašoda, hoj leske džalas pal o čore, ale vašoda, hoj čorelas. Leste sas o gonoro le lovenca a lelas peske olestar, so andre thovenas.

Rimanenge 15:5

A o Del, savestar avel e trpezľivosť the o radišagos, mi del tumenge te gondoľinel maškar peste pre oda jekh, hoj te keras avke, sar kerelas o Ježiš Kristus,

1. Korinťanenge 16:10

Sar avela o Timoteus, dikhen, hoj pes te na mušinel te daral ke tumende, bo ov kerel le Rajeskri buči avke sar me.

Filipanenge 2:2

akor naplňinen miro radišagos avke, hoj gondoľinena jednakones, kamena tumen jednakones a avena jekh andro duchos the andro gondoľišagos.

Filipanenge 2:22

Ale pal o Timoteus džanen, sar pes presikaďa, bo sar o čhavo le dadeha jekhetane manca služinelas andro evaňjelium.

Kološanenge 4:11

Pozdravinel tumen the o Jesus, saves vičinen Justus. Le Židendar ča on korkore keren manca jekhetane buči prekal o kraľišagos le Devleskro a but mange pomožinde.

1. Timoteoske 1:2

pisinav le Timoteoske, mire čače čhaske andro pačaben: Mi del tut o Del o Dad the o Ježiš Kristus, amaro Raj, e milosť, o lačhejileskeriben the o smirom!

1. Timoteoske 4:6

Te kada sikaveha le phralen, aveha lačho služobňikos le Ježišoske Kristoske, avribarardo le pačabnaskre lavenca the le lačhe sikavibnaha, savestar tut dži akana ľikerehas.

2. Timoteoske 1:5

Leperav mange pre tiro žužo pačaben, savo sas ešeb andre tiri baba Loisa the andre tiri daj Eunika, a pačav oleske, hoj akana hin the andre tu.

2. Timoteoske 3:10

Ale tu tut mištes ľikerehas mire sikavibnastar a kerehas avke sar me andre miro dživipen, bo tu dikhehas miro pačaben, miro zľikeriben, miro kamiben the miri trpezľivosť,

1. Samueloskro 18:1

Paloda, sar o David dovakerďa le Sauloha, o Jonatan ačhiľa sar jekh duša le Davidoha a kamelas le David sar pes korkores.

1. Samueloskro 18:3

O Jonatan phandľa le Davidoha zmluva, bo kamelas les sar pes korkores.