E Rut 4:2 - Le Devleskero Lav Andre Romaňi Čhib Slovensko 2021

² Akor peske o Boaz kidňa avri deše foroskre vodcendar a phenďa lenge: „Bešen tumenge kade tele.“ A on peske bešle.

E Rut 4:2 ပူးပေါင်းရင်းမြစ်များ

1. Kraľengro 21:8

Paľis oj andro nav le Achaboskro pisinďa o ľila, zapečaťinďa leskra pečaťaha a bičhaďa len le uradňikenge the le vodcenge, save bešenas le Nabotoha andro foros Jezreel.

2. Mojžišoskro 21:8

Te le rajeske, savo peske la cinďa, na ela pre dzeka, mi domukel lake te cinel pes avri. Ale našťi la bikenel le cudzincenge, bo prephagľahas oda lav, so la diňa.

Prislovja 31:23

Lakre romes mištes džanen paš e foroskri brana, kaj zabešel la phuvakre vodcenca.

Roviben le Jeremijašiskro 5:14

O phure murša preačhile te zabešel andre brana a o terne čhave preačhile te bašavel.

Skutki 6:12

Avke marde upre le nipen, le phurederen the le zakoňiken. Avle pre leste, chudle les a ľigende les angle Bari Rada.

5. Mojžišoskro 25:7

Ale te peske la lakro šogoris na kamela te lel romňake, oj mušinela te džal paš e brana le foroskri a te phenel ode le vodcenge: ‚Mire romeskro phral man na kamel romňake, hoj te doľikerel o nav le phraleskro andro Izrael. Na kamel mange te kerel oda, so mušinel sar šogoris.‘

5. Mojžišoskro 29:10

tumare čhave, tumare romňija a the o cudzinci, save bešen maškar tumende, save tumenge čhingeren o kašta a hordinen o paňi.

5. Mojžišoskro 31:28

Anen angle mande savore kmeňengre vodcen the tumare spravcen. Kamav angle lende te vakerel kala lava, hoj pre lende sar švedken te vičinav o ňebos the e phuv.