Ezechiel 8:6 - Le Devleskero Lav Andre Romaňi Čhib Slovensko 2021

⁶ Phenďa mange: „Manušeja, so dikhes, so keren? Dikh ola bare džungipena, so kade keren o Izraeliti, hoj man te traden avri dur andral miri svetiňa. A mek dikheha džungaleder veci sar kala.“

Ezechiel 8:6 ပူးပေါင်းရင်းမြစ်များ

2. Kronicko 29:5

Phenďa lenge: „Šunen man, Levitale! Akana pošvecinen pes a pošvecinen the o Chramos le RAJESKRO, le Devleskro tumare dadengro. Hordinen avri savore džungale veci andral o Chramos.

Žalmi 78:60

Omukľa o stanos andro Šilo, oda than, kaj bešelas maškar o manuša.

Prislovja 5:14

Akana som jekhvareste calkom zňičimen a teledikhlo maškar amare manuša.“

Jeremijaš 11:18

O RAJ mange sikaďa o nalačhipen, so pre ma plaňinen, a achaľiľom oda, sar dikhľom lengre nalačhe skutki.

Jeremijaš 23:11

O RAJ phenel: „Bo o prorokos the o rašaj hine bijedevleskre, mek the andre miro kher len arakhľom te kerel o nalačhipen.

Jeremijaš 26:6

akor kerava kale Chramoha oda, so kerďom andro Šilo, a kada foros ela savore narodenge pre phuv sar o košiben.‘ “

Jeremijaš 3:6

Akor, sar sas o Jozijaš kraľis andre Judsko, mange o RAJ phenďa: „Dikhľal, so kerelas e napačivaľi izraeliko čhaj? Džalas upre pre dojekh baro verchos a tel dojekh zeleno stromos a ode kerelas o lubipen.

Jeremijaš 32:34

Peskre džungale modli thode andro Chramos, so pes vičinel pal miro nav, hoj les te meľaren andre.

Jeremijaš 7:17

Či tu na dikhes, so keren andro judska fori the pro uľici andro Jeruzalem?

Jeremijaš 7:30

O RAJ phenel: „Se o manuša andral e Judsko kerenas oda, so nane lačho angle mire jakha. Peskre džungale modli thode andre miro Chramos, hoj les te meľaren andre.

Ezechiel 10:18

E slava le RAJESKRI geľa het pašal o chramoskro vudar a zaačhiľa upral o cherubi.

Ezechiel 10:19

Paľis o cherubi nacirdle o kridli a angle mire jakha pes hazdle upre la phuvatar. Sar džanas, o kereki džanas lenca. A zaačhile paš o Chramos le RAJESKRO, paš o vudar la Vichodna branakro, a e slava le Izraeloskre Devleskri sas upral lende.

Ezechiel 11:22

Akor o cherubi hazdle peskre kridli a o kereki pes hazdle jekhetane lenca a e slava le Izraeloskre Devleskri sas upral lende.

Ezechiel 11:23

Paľis pes e slava le RAJESKRI hazdňa upre le forostar a zaačhiľa pro verchos vichodňe le forostar.

Ezechiel 14:6

Vašoda phen le Izraelitenge: ‚Kada phenel o RAJ, o Adonaj: Keren pokaňje a visaren tumen le modlendar! Visaren tumare muja savore tumare džungipnastar!

Ezechiel 18:12

le čores the le slabes trapinel, čorel a na del pale e zaloha; lašarel le modlen a kerel o džungipen;

Ezechiel 43:8

Kerde peske o prahi the o zarubňi paš mire prahi the paš mire zarubňi a maškar mande the lende sas ča o muros. Meľarenas andre miro sveto nav peskre džungale vecenca, so kerenas, a vašoda len murdarďom avri mira choľaha.

Ezechiel 47:6

Phučľa mandar: „Manušeja, dikhľal mištes kada savoro?“ Paľis man iľa avri andral o paňi a anďa man pale pre phuv.

Ezechiel 5:11

Avke sar me dživav,‘ phenel o RAJ, o Adonaj, ‚vašoda, hoj meľarďal andre miro Chramos savore tire nalačhipnaha the džungipnaha, me tut hoľinava a avava ke tu bijileskro a na ela mange vaš tuke pharo.

Ezechiel 8:13

Avke mange phenďa: „Mek len dikheha te kerel o veci, so hin meksa džungaleder sar kala.“

Ezechiel 8:14

Paľis man iľa paš o vudar andre severno brana le RAJESKRE Chramoskri, a dikh, bešenas ode o džuvľija, so rovenas pal o del Tamuz.

Ezechiel 8:7

Sar man iľa paš o vudar andre dvora, dikhľom chev andro muros.

Ezechiel 8:9

Phenďa mange: „Dža andre a dikh pre ola bare džungipena, so kade keren.“

Hozeaš 5:6

Peskre bakrenca the stadenca džan te rodel le RAJES, ale na arakhena les, bo pes lendar odcirdňa.