Ezechiel 7:13 - Le Devleskero Lav Andre Romaňi Čhib Slovensko 2021

¹³ Bo oda, ko bikenel, na džala pale paš oda, so bikenďa, aňi kajte ačhilehas sodujdžene te dživel, bo oda, so phenďa o RAJ pal ola manuša, pes ačhela. Angle lengre bini aňi jekh lendar na ačhela te dživel.

Ezechiel 7:13 ပူးပေါင်းရင်းမြစ်များ

Ester 8:8

Ale o zakonos, so ov diňa avri, pes na del te čerinel, bo me imar thoďom la angrusakro znakos pre oda ľil. Ale me šaj kerav oda, hoj tumenge akana domukava te del avri nevo zakonos. Keren avke, sar džanen prekal e zachrana tumare narodoske, a thoven upre miro znakos.“

O Job 15:25

bo hazdel o vast pro zoralo Del a kerel pes muršeske pro Nekzoraleder.

Žalmi 52:7

Ale o Del tuha demela andre phuv pro furt; jekhvareste tut chudela, lela tut avri andral tiro stanos a cirdela tut avri le koreňenca andral o svetos le džidengro.

Kazaťeľis 8:8

Avke sar le manušes nane zor upral e balvaj, avke nane ňikas zor upral oda džives, kana merela. Andral o mariben našťi te džal khere, avke aňi o nalačhipen na mukela oles, ko oda kerel.

Ezechiel 12:25

Bo vakerava me o RAJ a oda, so phenava, pes ačhela. Na kampela but te užarel, ale mek andre tumare dživesa, tumen zacata manušale, kerava oda, so me phenav, phenel o RAJ, o Adonaj.‘ “

Ezechiel 12:28

Vašoda lenge phen: ‚Kada phenel o RAJ, o Adonaj: Na kampela imar but te užarel pre ňisavo miro lav, bo dojekh lav, so phenďom, pes ačhela, phenel o RAJ, o Adonaj.‘ “

Ezechiel 13:22

Vašoda, hoj tumare klamišagenca anen o pharipen andro jile le spravodľive manušenge, kajte odi dukh nane mandar, a keren upre le nalačhe manušen, hoj pes te na visaren peskre nalačhe dromendar, hoj peske te zachraňinen o dživipen,

3. Mojžišoskro 25:13

„ ‚Andre kada Radišagoskro Berš sako chudela pale peskro majetkos.

3. Mojžišoskro 25:31

Ale o khera andro gava, save nane ohradzimen le murenca, pes rachinena avke sar o maľi. Oda, ko bikenďa o kher, šaj les cinela pale, abo šaj užarel pro Radišagoskro Berš, kana les chudela pale.