Ezechiel 48:21 - Le Devleskero Lav Andre Romaňi Čhib Slovensko 2021

²¹ Oda, so ačhela pal soduj seri ola odďelimen phuvatar the le forostar, ela prekal o kraľis. Džala odarik, kaj končinel e odďelimen phuv, ole 12,5 kilometrendar dži paš e vichodno hraňica a zapadňe tiš ole 12,5 kilometrendar dži paš e zapadno hraňica. Soduj kala kotora la phuvakre, so hine ajse bare sar the ola kotora le kmeňengre, ena prekal o kraľis a e odďelimen phuv the o Chramos ena maškar lende.

Ezechiel 48:21 ပူးပေါင်းရင်းမြစ်များ

Ezechiel 37:24

Miro služobňikos o David ela lengro kraľis a savoren ela jekh pasťjeris. On dživena pal mire zakoni, doľikerena mire prikazaňja a kerena len.

Ezechiel 48:10

Kada kotor la phuvatar ela sveto prekal o rašaja. Džinďardo ela 12,5 kilometri pro severos a buchlo 5 kilometri pro zapados; 5 kilometri buchlo pro vichodos a 12,5 kilometri džinďardo pro juhos. Ode maškaral ela o Chramos le RAJESKRO.

Ezechiel 48:20

Calo kotor la phuvakro ela štvorcos 12,5 kilometri pal dojekh sera. Kada kotor la phuvatar odďelinena pre sera sar sveto daros, jekhetane le foroskra phuvaha.

Ezechiel 48:22

E ďeďično phuv le Levitengri the e ďeďično phuv le foroskri ena maškar oda than, so patrinel le kraľiske. Oda, so patrinel le kraľiske ela maškar e phuv le Judaskri the Benjaminoskri.

Ezechiel 48:8

Paš e phuv le Judaskri le vichodostar pro zapados ela oda kotor la phuvakro, savo odďelinena sar sveto kotor. Buchlo ela 12,5 kilometri a džinďardo le vichodostar pro zapados ajci, sar hin jekh kotor la phuvakro le kmeňengro; ode maškaral ela o Chramos.