Ezechiel 48:15 - Le Devleskero Lav Andre Romaňi Čhib Slovensko 2021

¹⁵ Oka kotor la phuvakro, so ačhel 2,5 kilometri buchlo a 12,5 kilometri džinďardo, na ela sveto, ale ela le foroskro pro khera the pro maľi. Ode maškaral ela o foros,

Ezechiel 48:15 ပူးပေါင်းရင်းမြစ်များ

Ezechiel 22:26

Tire rašaja previsaren miro zakonos a meľaren andre mire sveta veci. On na keren o rozďjel maškar oda, so hin sveto a so nane sveto, a na sikaven, savo rozďjel hin maškar oda, so hin žužo a so nane žužo. Na doľikeren mire šabati, a vašoda man o manuša andral o Izrael imar na den pačiv.

Ezechiel 42:20

Merinďa oda than pal savore štar seri: Dojekh sera le muroskri sas 250 metri, hoj te odďelinel o sveto than le Chramoskro le običajne thanestar.

Ezechiel 44:23

On sikavena mire manušen, savo rozďjel hin maškar o sveto the običajno abo so hin žužo the nažužo.

Ezechiel 45:6

Paš miri sveto phuv muken avri than prekal o foros Jeruzalem 12,5 kilometri pro džinďardes a 2,5 kilometri pro buchles. Ode šaj bešena o manuša le Izraeloskre.

1. Timoteoske 3:15

No, te avľomas nasig, kamav, hoj te džanes, sar pes kampel te ľikerel andro kher le Devleskro, so hin e cirkev le džide Devleskri, o slupos the o zoralo zaklados le čačipnaskro.