Ezechiel 48:14 - Le Devleskero Lav Andre Romaňi Čhib Slovensko 2021

¹⁴ On našťi bikenen aňi našťi čerinen kada nekfeder kotor la phuvakro a našťi predžal pre aver manuša, bo oda hin sveto kotor la phuvakro prekal o RAJ.

Ezechiel 48:14 ပူးပေါင်းရင်းမြစ်များ

2. Mojžišoskro 22:29

De mange tire ešebne bikos the bakres. Efta džives ela paš peskri daj a pro ochtoto džives mange les deha.

2. Mojžišoskro 23:19

Sako berš aneha andro Chramos le RAJESKRO, tire Devleskro, o nekfeder veci tire ešebne uľipnastar. La terňa kozica ma tav andre lakra dakro thud.

Ezechiel 48:12

Kada ela lengro kotor ola phuvatar, so hiňi odďelimen sar neksveteder kotor la phuvakro, paš e phuv le Levitengri.

Ezechiel 48:13

Le Levitengro ela o dujto jepaš kotor la odďelimen phuvakro paš e phuv le rašajengri. Džinďardo ela 12,5 kilometri a buchlo 5 kilometri; jekhetane ena kala duj kotora la phuvakre džinďarde 12,5 kilometri a buchle 10 kilometri.

3. Mojžišoskro 23:20

O rašaj ole duje bakroren le mareha andral o ešebno uľipen hazdela upre anglo RAJ pre hazdľi obeta. Kala obeti hine sveta le RAJESKE a patrinen le rašaske.

3. Mojžišoskro 25:32

No andro fori le Levitengre peske o Leviti furt šaj cinen pale peskre khera.

3. Mojžišoskro 25:34

Ale o maľi pašal lengre fori pes našťi bikenen, bo hine lengro ďeďictvos pro furt.‘ “

3. Mojžišoskro 27:28

Ale ňič olestar, so les hin a oddiňa imar pro furt le RAJESKE – či oda hin manuš, džviros vaj ďeďično maľa – našťi pes bikenel aňi cinel avri. Savoro, so hin oddino imar pro furt, hin igen sveto le RAJESKE.

Rimanenge 8:23

No na ča oda, ale the amen, save chudňam le Duchos sar oda ešebno daros le Devlestar, cerpinas andre peste, sar užaras pro Del, hoj amendar te kerel peskre čhaven a te oslobodzinel amaro ťelos.