Ezechiel 47:10 - Le Devleskero Lav Andre Romaňi Čhib Slovensko 2021

¹⁰ O ribara pes rozthovena pašal o moros; andral o En-Gedi dži paš o En-Eglajim ela than, kaj nacirdena o siti. Ela ode igen but všelijaka ribi avke sar andro Stredozemno moros.

Ezechiel 47:10 ပူးပေါင်းရင်းမြစ်များ

Matuš 4:19

A phenďa lenge: „Aven pal ma a me tumendar kerava ribaren, so chudena le manušen.“

Žalmi 104:25

Hin kade o moros, baro the buchlo; hin andre ajci džviri, hoj pes na den te zrachinel, bare the cikne.

4. Mojžišoskro 34:6

Tumari zapadno hraňica ela o brehos le Stredozemne moroskro.

Marek 1:17

O Ježiš lenge phenďa: „Aven pal mande a me tumendar kerava ribaren, so chudena le manušen.“

Ezechiel 48:28

Pre južno sera paš o Gad džala pro juhos e hraňica le Tamarostar dži o paňa Meribat-Kadeš, paš o paňi le Egiptoskro paš o Stredozemno moros.

Ezechiel 47:15

Kala hine o hraňici pre severno sera: Le Stredozemne morostar džana o hraňici pašal o Chetlon prekal o Lebo-Chamat dži o Cedad,

2. Kronicko 20:2

Varesave manuša avle a phende le Jošafatoske: „Igen bari armada avel pre tu andral o Edom pal aver sera le morostar. Hine imar andro Chacecon-Tamar, oda andro En-Gedi.“

Ezechiel 26:5

ačhela lestar than pro moros, pre savo pes šučarel o ribarika siti, bo me oda phenďom, phenel o RAJ, o Adonaj. Ačhela lestar korisť prekal o narodi.

Izajaš 49:20

Tire čhave, save uľile andro zajaťje, tuke jekhvar phenena: ‚Kadi phuv hiňi igen cikňi, kampel amenge buter than pro dživipen!‘

Izajaš 49:12

Dikh, kala džene aven dural, kola aven pal o severos the pal o zapados a okla andral e phuv Sinim pal o juhos.

Jozua 23:4

Dikhen, tumare kmeňenge diňom prekal o losos sar ďeďictvos o phuva le narodengre, save mek kade ačhile, the o phuva savore narodengre, upral save zviťazinďom le Jordanostar dži ko Stredozemno moros pro zapados.

Jozua 15:62

o Nibšan, o Londo foros the o En-Gedi: šov fori the lengre gavenca.

1. Mojžišoskro 14:7

Paľis pes visarde a doavle ko En-Mišpat – oda hin ko Kadeš – a zviťazinde upral caľi phuv le Amalekengri the upral o Amorejčana, save dživenas andro Chacecon-Tamar.

1. Samueloskro 24:1

O David odarik geľa het a ľikerelas pes pro verchengre thana andro En-Gedi.

Izajaš 19:8

O ribara rovena, savore, so čhivkeren e uďica andro Nil, ena smutna a olen, ko muken e sita andro paňi, ela žaľa.

Ezechiel 26:14

Na mukava pre tu ča skala, ačhela tutar than te šučarel o siti. Imar na aveha pale upreačhado, bo me, o RAJ, oda phenďom. Kada hin o lav le RAJESKRO, le Devleskro.

Ezechiel 47:19

E južno sera: Le Tamarostar dži paš o paňa Meribat-Kadeš, paľis pašal o paňi Egipt dži paš o Stredozemno moros. Kada hin e južno sera.