Ezechiel 40:24 - Le Devleskero Lav Andre Romaňi Čhib Slovensko 2021

²⁴ Paľis man oda murš ľigenďa pro juhos, a dikhľom ode e južno brana. Merinďa o khera prekal o stražňika, o muri maškar ola khera the e veranda a sas ajsi bari sar the okla brani.

Ezechiel 40:24 ပူးပေါင်းရင်းမြစ်များ

Ezechiel 40:33

O khera prekal o stražňika, o muri maškar ola khera the e veranda merinenas ajci keci the andre okla brani. Avke sar the pre okla brani sas dookola o cikne oblaki pašal e brana the pašal e veranda. Caľi branakri chodba sas 25 metri džinďarďi a 1 250 centimetri buchľi.

Ezechiel 40:6

Paľis geľa ke vichodno brana a geľa upre pro garadiči, merinďa o prahos la branakro a o prahos sas 3 metri buchlo.

Ezechiel 46:9

Sar avena o manuša te lašarel le RAJES pre varesavo inepos, sako, ko avela andre prekal e severno brana, mušinela te džal avri prekal e južno brana; a sako, ko avela andre prekal e južno brana, mušinela te džal avri prekal e severno. Ňiko na džala avri ola branaha savaha avľa andre, ale džala avri prekal e brana, so hiňi pre oki sera.