Ezechiel 38:5 - Le Devleskero Lav Andre Romaňi Čhib Slovensko 2021

⁵ E Perzija, o Kuš the o Put ena lenca, savore le šťitenca the le prilbenca;

Ezechiel 38:5 ပူးပေါင်းရင်းမြစ်များ

1. Mojžišoskro 10:6

O čhave le Chamoskre sas o Kuš, o Micrajim, o Put the o Kanaan.

1. Mojžišoskro 10:8

Le Kušoske uľiľa čhavo o Nimrod, savestar ačhiľa zoralo maribnaskro murš pre phuv.

1. Kronicko 1:8

O čhave le Chamoskre sas o Kuš, o Micrajim, o Put the o Kanaan.

2. Kronicko 36:20

Olen, save predžiďile, zaiľa andro Babilon. Ode služinenas leske the leskre čhavenge sar otroka dži akor, medik e Perzija na preiľa o kraľišagos.

Ezdraš 1:1

Andre ešebno berš, sar kraľinelas o perziko kraľis Kiros, pes ačhiľa oda lav, so phenďa o RAJ prekal o prorokos Jeremijaš, avke, hoj o RAJ thoďa pro jilo le kraľiske Kiroske te pisinel a te phenel avri andre calo peskro kraľišagos kada:

Ezechiel 27:10

Manuša andral e Perzija, andral o Lud the Put tuke služinenas sar slugaďa andre armada. Pre tire muri peske figinenas o šťiti the o prilbi; anenas tuke e slava.

Ezechiel 30:4

E šabľa avela pro Egipt, a baro pharipen pro Kuš. Sar andro Egipt perena tele o murdarde, lena leskro barvaľipen a leskre zakladi ena čhide tele.

Ezechiel 30:5

O Kuš, o Put, o Lud, savore cudzinci, o Kub a the o manuša andral e phuv la zmluvakri merena jekhetane le Egiptoha andro mariben.

Daniel 8:20

Oda dujerohengro baranos, saves dikhľal, oda hin o kraľa andral e Medsko the andral e Perzija.

Nahum 3:9

o zoralo Kuš the o Egipt sas leskri ňekoňečno zor, o Put the e Libija sas leske pre pomoca.