Ezechiel 32:4 - Le Devleskero Lav Andre Romaňi Čhib Slovensko 2021

⁴ Cirdava tut avri pre phuv a čhivava tut pre maľa; anava savore čiriklen, hoj pre tu te bešen, a savore dzive džviren, hoj pre tu te čaľon.

Ezechiel 32:4 ပူးပေါင်းရင်းမြစ်များ

Žalmi 63:10

Ola, ko man kamen te murdarel, ena zňičimen a džana dži tele andre phuv.

Žalmi 74:14

Phagerďal o šere le Levijatanoske, diňal, hoj les te chan o džviri pre pušťa.

Izajaš 14:19

ale tu sal čhido avri andral tiro hrobos sar o kirno konaris! Sal začhido olenca, ko sas murdarde a predemade la šabľaha; olenca, ko džan tele andre baruňi chev sar o ťelos, pre savo pes uštarel.

Izajaš 18:6

Savore ťela le slugaďengre ena mukle le čiriklenge pro verchi the le džvirenge pro maľi; ňilaje lendar dživena o dziva čirikle a jevende savore džviri pre maľa.

Izajaš 66:24

„Džana avri a dikhena o mule ťela olengre, ko pes mange ačhade, bo lengro kirmo na merela, lengri jag na murdaľola a ena džungale savore manušenge.“

Jeremijaš 25:33

Andre oda džives pašľona o murdarde le RAJESTAR pal jekh agor la phuvakro dži pre aver. Ňiko pal lende na rovela, na skidela len upre aňi len na parunela, ale ena sar o hnojos pre maľa.

Jeremijaš 8:2

Thovena len pro kham, pro čhonoro the pro čercheňa le ňeboskre, saven kamenas, savenge služinenas, pal save phirenas, savendar phučenas so te kerel a saven lašarenas. Na skidena len upre aňi len pale na parunena, ale ačhena rozčhide pre phuv sar hnojos.

Ezechiel 29:5

Čhivava tut avri pre pušťa, tut the savore riben andral tire Nilska paňa. Pereha pre maľa, na skidena tut upre aňi tut na sthovena pre kopa. Dava tut te chal le dzive džvirenge the le čiriklenge.

Ezechiel 35:8

Tire verchi začhivava le mule ťelenca; ola, ko ena murdarde la šabľaha, učharena andre tire brehi the tire dolini.