Ezechiel 26:18 - Le Devleskero Lav Andre Romaňi Čhib Slovensko 2021

¹⁸ Akana andre kada džives, sar peľal tele, o fori pašal o moros izdran; predaranďile o ostrovi le moroskre, sar našľiľal.‘ “

Ezechiel 26:18 ပူးပေါင်းရင်းမြစ်များ

Izajaš 41:5

O ostrovi oda dikhle a daranďile; o agora la phuvakre izdran daratar, zgele pes jekhetane a imar aven.

Jeremijaš 49:21

O Edom perela ajsa bara vikaha, hoj e phuv razisaľola, a o manuša avke vičinena pre pomoca, hoj oda šunena dži paš o Lolo moros.

Jeremijaš 50:46

O Babilon perela ajsa bara vikaha, hoj e phuv razisaľola, a o manuša vičinena pharipnastar avke zorales, hoj oda šunďola dži andro aver narodi.

Ezechiel 26:15

Mek kada phenel o RAJ, o Adonaj, le Tiroske: Jaj, sar razisaľona o ostrovi ola bara vikatar, so šunďola akor, sar pereha zorales tele, sar o zraňimen manuša stukinena dukhatar a ela andre tu o baro murdaripen!

Ezechiel 27:35

Savore, so bešen andro fori pašal o moros, predarana, so pes tuke ačhiľa; lengre kraľa izdrana a parňona lenge o muja daratar.

Ezechiel 31:15

Kada phenel o RAJ, o Adonaj: ‚Andre oda džives, sar džalas tele andro Šeol, učharďom andre e bari hlbina la žaľaha vaš leste, zaačhaďom lakre prudi a but paňa preačhile te čuľal. Angle leste urďom o Libanon andro kaleste a savore maľakre stromi angle leste šučile avri.