Ezechiel 24:18 - Le Devleskero Lav Andre Romaňi Čhib Slovensko 2021

¹⁸ A tosara oda vakeravas le manušenge a rači mange muľa e romňi. Paľis pre aver džives tosara kerďom avke, sar mange sas prikazimen.

Ezechiel 24:18 ပူးပေါင်းရင်းမြစ်များ

Ezechiel 12:7

Kerďom avke, sar mange sas prikazimen: Dživese iľom avri mire veci, sar te geľomas andro zajaťje, a sar zaračiľa, kerďom mire vastenca chev andro muros. Sar imar sas kaľipen, thoďom len pro valos anglal lengre jakha a geľom avri.

Ezechiel 24:16

„Manušeja, dikh, lav tuke ola, kas nekbuter kames; merela jekhvareste. No tu ma av smutno a ma rov! Ma muk avri ňisave apsa andral o jakha!

Ezechiel 24:17

Rov cichones! Ma ľiker o smutkos pal tiri romňi, ale thov tuke o turbanos pro šero a uri o sandalki pro pindre! Ma učhar tuke andre o muj aňi ma cha oda maro, savo pes chal pro vartišagos!“

Ezechiel 24:19

O manuša mange phende: „Phen amenge, so sikavel kada prekal amende. Soske kada keres?“