Ezechiel 20:11 - Le Devleskero Lav Andre Romaňi Čhib Slovensko 2021

¹¹ Diňom lenge mire zakoni a phenďom lenge mire prikazaňja, save den o dživipen ole manušes, ko len doľikerel.

Ezechiel 20:11 ပူးပေါင်းရင်းမြစ်များ

Rimanenge 10:5

Bo o Mojžiš pisinel pal o spravodľišagos andral o zakonos: „Oda manuš, ko doľikerela leskre prikazaňja, dživela lendar.“

5. Mojžišoskro 4:8

Hin varesave bare narodos ajse spravodľiva prikazi the predpisi, sar hin andre kada calo zakonos, so tumenge adadžives me dav?

3. Mojžišoskro 18:5

Doľikeren mire prikazi the zakoni. Bo oda manuš, ko len doľikerela, dživela lendar. Me som o RAJ.

Galaťanenge 3:12

Ale o zakonos nane zathodo pro pačaben, bo hin pisimen: „Ča oda, ko doľikerela o prikazaňja, dživela.“

Лукастар 10:28

O Ježiš leske phenďa: „Mištes odphenďal, kada ker a dživeha.“

Ezechiel 20:13

Ale o Izraeliti pes mange pre pušťa ačhade. Na dživenas pal mire zakoni a odčhide pestar mire prikazaňja, save den o dživipen ole manušes, ko len doľikerel. A mire šabati igen meľarde andre. Akor phenďom, hoj pre pušťa pre lende čhivava avri miri choľi a zňičinava len.

Rimanenge 3:2

Igen bari chasna andre savoreste! Ešeb oda, hoj lenge sas dine le Devleskre lava.

Ezechiel 20:21

Ale tumare čhave pes mange ačhade. Na šunenas mire zakoni a na doľikerenas aňi na dživenas pal mire prikazaňja, save den o dživipen ole manušes, ko len doľikerel; a meľarde andre the mire šabati. Akor phenďom, hoj pre lende čhivava avri pre pušťa savori miri choľi a bičhavava pre lende e bari choľi.

5. Mojžišoskro 4:1

„Akana, Izraelona, šun o prikazi the o zakoni, so tumen sikavav te doľikerel, hoj te dživen a te džan te zalel e phuv, so tumen del o RAJ, o Del tumare dadengro.

Ezechiel 33:15

te dela pale oda, so iľa sar zaloha, abo oda, so čorďa, a te chudela te dživel pal mire prikazaňja, so den o dživipen, a na kerela o nalačhipen, ajso manuš dživela a na merela.

5. Mojžišoskro 4:5

Dikhen, sikavavas tumen o prikazi the o zakoni avke, sar mange prikazinďa o RAJ, miro Del, hoj len tumen te doľikeren the andre odi phuv, so džan te zalel.

5. Mojžišoskro 30:19

Adadžives mange vičinav o ňebos the e phuv sar švedken, hoj tumenge diňom te kidel peske avri, so kamen: o dživipen abo o meriben; o požehnaňje abo o prekošiben. Vašoda tumenge kiden avri o dživipen, hoj tumen the tumare potomki te dživen.

Prislovja 6:23

Kala prikazaňja hine sar e lampa, o sikaviben sar o švetlos, o dovakeribena la kazňakre hine o drom le dživipnaskro,

Ezechiel 18:9

Ľikerel pes mire prikazendar a verňe doľikerel mire prikazaňja. Kajso manuš hino spravodľivo a dživela, phenel o RAJ, o Adonaj.

Ezechiel 33:16

Ňisave bini, so kerďa, pes leske imar na leperela. Chudňa te kerel oda, so hin lačho the spravodľivo, vašoda dživela a na merela.