Ezechiel 16:7 - Le Devleskero Lav Andre Romaňi Čhib Slovensko 2021

⁷ Diňom tuke te barol a bariľal sar o kvitki pre maľa. Bariľal avri a ačhiľa tutar terňi čhaj. Avle tuke avri o koľina a barile tuke o bala, ale salas langi bi o gada.

Ezechiel 16:7 ပူးပေါင်းရင်းမြစ်များ

1. Mojžišoskro 22:17

čačes tut požehňinava a rozmnožinava tiro potomstvos sar o čercheňa pro ňebos the sar e poši pro moroskro brehos; on zviťazinena upral peskre ňeprijaťeľa

O Job 1:21

a phenďa: „Lango avľom andral o per la dakro a lango džava pale pre oda than, khatar avľom. O RAJ diňa a o RAJ iľa. Mi el lašardo o nav le RAJESKRO!“

Žalmi 135:4

Se o RAJ peske kidňa avri le Jakob; le Izrael, hoj leske te patrinel.

Žalmi 147:20

Prekal ňisave aver narodi oda na kerďa; on na prindžaren leskre zakoni. Haleluja!

Žalmi 148:14

Ov diňa zor peskre narodos, hoj les te lašaren savore leskre pačivale – o Izraeliti, o manuša, save leske hine pašes paš o jilo. Haleluja!

2. Mojžišoskro 1:7

ale le Izraeliten sas but čhave, a sas furt buter the zoraleder, avke hoj caľi phuv sas pherdžarďi lenca.

2. Mojžišoskro 12:37

Paľis o Izraeliti pes mukle andral o Raamses a gele andro Sukot. Sas vaj 600 000 murša, bi o džuvľa the bi o čhave.

2. Mojžišoskro 3:22

Dojekh izraeliko džuvľi džala ko egiptska susedki abo ke ola, ko bešen lenca andro kher, a mangela lendar varesave somnakune the rupune veci a the o šukar gada, so urena pre tumare čhajora the muršora.“ Avke tumenca lena o barvaľipen andral o Egipt.

Nekšukareder giľi 4:5

Tire duj koľina hine sar duj terne gazeli, sar o dvojički, so chan e čar maškar o ľaľije.

Nekšukareder giľi 8:10

Me som muros a mire koľina hine sar o veži! Akor ačhiľom andre leskre jakha sar odi, ko anel pherdo radišagos.

Nekšukareder giľi 8:8

Hin amen cikňi pheňori a lakre koľina hine mek ciknore. So keraha amara pheňaha oda džives, sar la avena te mangavel?

Izajaš 61:10

Igen radisaľuvav andro RAJ, miri duša radisaľol andre miro Del, bo urďa man andro ruchos la spasakro a thoďa pre ma o spravodľišagoskro plašťos; som sar o terno, savo peske ozdobinel o šero avke sar rašaj a sar e terňi, savi pes richtinel le šperkenca.

Izajaš 62:3

Aveha sar e šukar koruna andro vast le RAJESKRO, sar e kraľiko koruna andre burňik tire Devleskri.

Ezechiel 16:16

Paľis iľal tire gadendar a kerďal tuke lendar o šukar uče thana te obetinel a ode kerehas tiro lubipen. Kajso vareso mek šoha na sas aňi imar na ela!

Ezechiel 16:22

Paš savoro tiro lubipen the džungipen tuke na avľa pre goďi ola dživesa, sar salas terňi, langi bi o gada, sar ruginehas le pindrorenca andre tiro rat.

Ezechiel 16:6

Avke me predžavas pašal tu a dikhľom te ruginel le pindrorenca andre tiro rat. A phenďom tuke, sar ode pašľohas andre tiro rat: „Dživ!“ He, phenďom tuke: „Dživ!“

Hozeaš 2:3

Phenen tumare phralenge: ‚Ami!‘, a tumare pheňenge: ‚Ruchama!‘“

Skutki 7:17

Sar imar avelas o časos, hoj o Del te doľikerel oda lav, so diňa le Abrahamoske, amare manuša andro Egipt igen baronas a zoraľonas,

5. Mojžišoskro 1:10

O RAJ, tumaro Del, tumendar kerďa ajci but, hoj adadžives san imar ajci sar o čercheňa pro ňebos.

5. Mojžišoskro 1:11

Mi del o RAJ, o Del tumare dadengro, hoj te aven ezerval buter, sar san akana, a mi požehňinel tumen avke, sar tumen diňa lav.

5. Mojžišoskro 4:8

Hin varesave bare narodos ajse spravodľiva prikazi the predpisi, sar hin andre kada calo zakonos, so tumenge adadžives me dav?