Ezechiel 12:7 - Le Devleskero Lav Andre Romaňi Čhib Slovensko 2021

⁷ Kerďom avke, sar mange sas prikazimen: Dživese iľom avri mire veci, sar te geľomas andro zajaťje, a sar zaračiľa, kerďom mire vastenca chev andro muros. Sar imar sas kaľipen, thoďom len pro valos anglal lengre jakha a geľom avri.

Ezechiel 12:7 ပူးပေါင်းရင်းမြစ်များ

Ezechiel 12:3

Ale tu, manušeja, ker tuke o veci te džal andro zajaťje! Dživese anglal lengre jakha dža pal oda than, kaj bešes, pre aver than, sar te geľalas andro zajaťje. Ko džanel, či na achaľona, kajte hine zacata manuša.

Ezechiel 12:8

Tosara ke ma avľa kada lav le RAJESKRO:

Ezechiel 2:8

„Ale tu, manušeja, šun, so tuke phenav: Ma av ajso zacato sar kala manuša! Phundrav o muj a cha, so tut dav!“

Ezechiel 24:18

A tosara oda vakeravas le manušenge a rači mange muľa e romňi. Paľis pre aver džives tosara kerďom avke, sar mange sas prikazimen.

Ezechiel 37:10

Akor chudňom te prorokinel avke, sar mange sas prikazimen. A avľa andre lende o dichos, obdžiďile a ušťile upre pro pindre. Oda sas igen bari armada.

Ezechiel 37:7

Akor prorokinavas avke, sar mange sas prikazimen. A sar prorokinavas, avľa e vika, chudňa te šunďol, sar pes čhalaven o kokala a sthoven pes jekh paš aver.

Marek 14:16

O učeňika gele andro foros a arakhle savoro avke, sar lenge o Ježiš phenďa; a pripravinde o Patraďakro chaben.

O Evaňjelium le Janoskro 15:14

Tumen san mire prijaťeľa, te keren savoro, so tumenge prikazinav.

Skutki 26:19

Avke, kraľina Agrippa, me kerďom oda, so šunďom andro viďeňje andral o ňebos.