Ezdraš 9:12 - Le Devleskero Lav Andre Romaňi Čhib Slovensko 2021

¹² Vašoda ma den tumare čhajen romňenge lengre čhavenge, aňi ma len tumare čhavenge lengre čhajen! Šoha ma roden lengro lačhipen the smirom, hoj te aven zorale a te chan o lačhipen la phuvakro a te muken la tumare čhavenge sar večno ďeďictvos.‘

Ezdraš 9:12 ပူးပေါင်းရင်းမြစ်များ

1. Kronicko 28:8

Akana tumenge phenav anglo Del, angle savore Izraeliti the angle savore, save hine zgele anglo RAJ, hoj te den pozoris a te doľikeren savore prikazaňja le RAJESKRE, peskre Devleskre, hoj tumenge te ačhel kadi šukar phuv a hoj la paľis te den tumare potomkenge sar ďeďictvos pro furt.

2. Kronicko 19:2

Arakhľa pes leha o prorokos Jehu, le Chananiskro čhavo, a phenďa leske: „Gondoľines tuke, hoj hin mištes te pomožinel le bijedevleskre manušenge a te sikavel o jileskeriben olenge, ko džan pro RAJ? Vašoda hin pre tute le RAJESKRI choľi.

Ezdraš 9:2

Ale ile peske romňijen andral kala narodi, the peskre čhavenge, a avke mišinde le Devleskre svete manušen le cudzincenca. A amare vodci the anglune manuša kada binos kerde ešebna.“

2. Mojžišoskro 23:32

Ma phanden e zmluva lenca, aňi lengre devlenca.

Prislovja 13:22

O lačho manuš zamukela o ďeďictvos peskre vnučatenge, no o barvaľipen le binošneskro chudela o čačipnaskro manuš.

Prislovja 20:7

O čačipnaskro ľidžal o žužo dživipen; bachtale hine o čhave, save pal leste ačhena.

Izajaš 1:19

Te kamena a te man šunena, chana o lačhe dari la phuvakre.

5. Mojžišoskro 23:6

Ale o RAJ, tumaro Del, na kamľa te šunel avri le Balaam, ale visarďa oda prekošiben pro požehnaňje, bo o RAJ, tumaro Del, tumen kamel.

5. Mojžišoskro 23:7

Medik dživena, šoha ma keren ňič prekal lengro smirom aňi prekal oda, hoj lenge te džal mištes.

5. Mojžišoskro 7:3

Ma av lenca veraduno, ma len lengre čhaven tire čhajenge abo lengre čhajen tire čhavenge.