Ezdraš 8:15 - Le Devleskero Lav Andre Romaňi Čhib Slovensko 2021

¹⁵ Zvičinďom savoren paš o paňi, so džal andro foros Ahava, a ačhiľam ode trin dživesa. Rozdikhľom man maškar o manuša the rašaja, ale na arakhľom maškar lende aňi jekhes Levitas.

Ezdraš 8:15 ပူးပေါင်းရင်းမြစ်များ

Ezdraš 7:24

A mek tumenge phenav, hoj ňiko našťi mangel ňisave daňe abo clo le rašajendar, le Levitendar, le lavutarendar, le stražňikendar, le chramoskre služobňikendar aňi avre robotňikendar andral kada Chramos le Devleskro.

Ezdraš 7:28

O RAJ avke kerďa, hoj o kraľis, leskre radci the savore vodci mange presikade o jileskeriben. Le Devleskro vast man zoraľarďa a me prevakerďom le Izraeloskre vodcen, hoj te aven manca upre andro Jeruzalem.

Ezdraš 7:7

Leha avenas andro Jeruzalem vajkeci Izraeliti jekhetane le rašajenca, Levitenca, lavutarenca, stražňikenca the le chramoskre služobňikenca. Oda pes ačhiľa, sar o Artaxerxes kraľinelas andre Perzija eftato berš.

Ezdraš 8:14

andral e famelija le Bigvajoskri: o Utaj the o Zabud a lenca 70 murša.

Ezdraš 8:16

Akor vičinďom paš ma le vodcen le Eliezer, le Ariel, le Šemajah, le Elnatan, le Jarib, le Elnatan, le Natan, le Zecharijah. Vičinďom the le Mešulam a mek le Jojarib the le Elnatan, save sikavenas o zakonos.

Ezdraš 8:2

Andral e famelija le Pinchasoskri: o Geršom; andral e famelija le Itamariskri: o Daniel; andral e famelija le Davidoskri: o Chatuš,

Ezdraš 8:21

Paľis paš o paňi Ahava diňom avri o postos, hoj pes te pokorinas anglal amaro Del a te mangas lestar bachtalo drom, hoj te chraňinel amen, amare čhaven the amaro barvaľipen, sar džaha andro Jeruzalem.

Ezdraš 8:31

Andro dešudujto džives andro ešebno čhon odgeľam le paňestar Ahava a džahas andro Jeruzalem. Le Devleskro vast sas upral amende. Ov amen chraňinelas pro drom le ňeprijaťeľendar the le zbujňikendar.

Žalmi 137:1

Paš o babiloňika paňa, bešahas a rovahas ode, sar peske leperahas pro Sion.

Ezechiel 1:1

Andro trandato (30.) berš andro štarto čhon pro pandžto džives, sar somas maškar o zaile manuša paš o paňi Kebar, phundraďa pes o ňebos a dikhľom o viďeňja le Devlestar.

Ezechiel 3:15

Avke doavľom ko zaile manuša, so bešenas paš o paňi Kebar andro Tel-Abib; efta džives bešavas maškar lende a somas igen zňičimen.

Skutki 16:13

Pro šabat geľam avri pal e foroskri brana paš o paňi, kaj peske gondoľinahas, hoj pes zdžana o Židi pre modľitba. Bešľam peske a vakerahas le džuvľenca, save pes ode zgele.