Ezdraš 3:12 - Le Devleskero Lav Andre Romaňi Čhib Slovensko 2021

¹² Ale o phureder rašaja, o Leviti the o famelijengre vodci, save angloda dikhle o purano Chramos, igen rovenas, sar dikhle, hoj pale keren o chramoskre zakladi. Ale aver džene radisaľonas bara vikaha,

Ezdraš 3:12 ပူးပေါင်းရင်းမြစ်များ

Ezdraš 3:13

hoj ňiko našťi rozprindžarelas e radišagoskri vika le rovibnastar, bo o manuša kerenas igen bari vika a šunďolas len imar dural.

O Job 8:7

Tiro barvaľipen, so tut sas, dičhola ciknoro angle oda barvaľipen, so tut paľis dela o Del.

Žalmi 126:6

Rovibnaha džal avri oda, ko hordinel o semenos; radišagoha avela pale, sar anela peskri pšeňica.

Žalmi 147:1

Haleluja! Sar mištes hin te lašarel amare Devles, bo šukares oda hin a kampel les te bararel.

Izajaš 41:14

Ma dara tut, kirmoreja Jakobona, Ma dara tut, cikno Izraelona! Me tuke pomožinav,“ phenel o RAJ, tiro Vikupiťeľis, o Sveto le Izraeloskro.

Izajaš 60:22

Tumara nekcikneder famelijatar ela ezeros a tumara nekostatneder famelijatar ela o zoralo narodos. Me, o RAJ, oda kerava sig, andro spravno časos.“

Jeremijaš 50:4

„Andre ola dživesa, andre oda časos,“ phenel o RAJ, „avena jekhetane o manuša le Izraeloskre the o manuša andral e Judsko, avena rovibnaha te rodel le RAJES, peskre Devles.

Haggeus 2:3

‚Hin maškar tumende vareko, ko dikhľa kada Chramos andre ešebno slava? A sar tumenge dičhol avri akana? Na dičhol pes tumenge, hoj oda hin sar ňič?

Zacharijaš 4:10

Ma dikhen tele o džives le cikne vecengro! O efta jakha le RAJESKRE, so phiren pal caľi phuv, radisaľona, sar dikhena e šparga le olovoha te merinel avri o chramoskre muri andro vast le Zerubabeloskro.