Ester 6:13 - Le Devleskero Lav Andre Romaňi Čhib Slovensko 2021

¹³ Rozvakerďa oda savoro avri peskra romňake la Zerešake the peskre prijaťeľenge, so pes leske ačhiľa. Leskre goďaver murša the e romňi e Zereš phende: „Te hino o Mordekaj andral o židoviko narodos, phenav tuke, kada hin mekča o agor oleske, so pes tuha ačhela, hoj na zviťazineha upral leste. De tuke pozoris, bo čačes na dopereha mištes.“

Ester 6:13 ပူးပေါင်းရင်းမြစ်များ

1. Mojžišoskro 24:66

Paľis o sluhas chudňa le Izakoske te vakerel pal savoro, so kerďa.

1. Mojžišoskro 40:19

Pal o trin dživesa tuke dela o Faraonos te odčhinel o šero a figinela tut pro stromos a o čirikle chana tiro ťelos.“

1. Mojžišoskro 41:8

Tosara na sas le Faraonos smirom vaš o sune. Vašoda diňa peske te vičinel savore egiptske vrašcen the le goďavere muršen a phenďa lenge avri peskre sune. No na sas ňiko, ko leske šaj phenďahas, pre soste o sune sikaven.

O Job 15:24

O pharipen the o cerpišagos les daraven avri avke sar o kraľis pripravimen pro mariben,

O Job 16:2

„Imar but kajse lava šunďom! Ňiko tumendar man na džanel te poťešinel, keren mange ča pharipen.

Žalmi 105:15

„Ma thoven o vasta pre mire pomazimen manuša; ma dukhaven mire proroken!“

Prislovja 28:18

Ko phirel žuže dromeha, ela zachraňimen, no oda, ko phirel pal o previsarde droma, jekhvareste perela.

Daniel 2:12

Akor o kraľis igen choľisaľiľa a prikazinďa te murdarel savore goďaver muršen andro Babilon.

Hozeaš 14:9

Akor phenela o Efrajim: ‚So man chal le modlenca? Kamav te odphenel pre tiro kamiben, te dikhel mire jakhenca pre tute. Avke avava sar o smrekos furt zeleno, anava tiro ovocje.‘ “

Zacharijaš 2:12

Bo kada phenel o Nekzoraleder RAJ, savo man bičhaďa prekal leskri slava ko narodi, so tumen občorarde: „Oda, ko pes dotkňinel tutar, pes dotkňinel mira jakhatar.

4. Mojžišoskro 24:9

O Izrael odpočovinel sar o ľevos; sar sovel, ňiko les na uštavela. Oda, ko žehňinela kale narodoske, ela požehňimen! Ko les prekošela, ela prekošlo!“

5. Mojžišoskro 32:10

Arakhľa len pre omukľi phuv, pre pušťa, kaj nane ňič. Starinelas pes pal lende, chraňinelas len sar e zreňica andre peskri jakh.