Efežanenge 1:22 - Le Devleskero Lav Andre Romaňi Čhib Slovensko 2021

²² O Del thoďa le Kristoske savoro tel o pindre a diňa les šereske upral savoreste la cirkvake.

Efežanenge 1:22 ပူးပေါင်းရင်းမြစ်များ

1. Mojžišoskro 3:15

A kerava o ňeprijaťeľstvo maškar tu the maškar e džuvľi, maškar tiro potomkos the maškar lakro potomkos. Ov tuke rozmarela o šero a tu leske dukhaveha e peta.“

Žalmi 110:1

O RAJ phenďa mire Rajeske: „Beš tuke pal miri čači sera, medik tuke na thovava tire ňeprijaťeľen tel o pindre.“

Žalmi 91:13

Uštareha pro ľevos the pre zmija; pro terno ľevos the pro sap.

Matuš 16:18

A me tuke phenav: Tu sal o Peter a pre kadi skala ačhavava miri cirkev a aňi o brani le pekloskre upral late na zviťazinena.

Skutki 20:28

Den pozoris pre tumende the pro calo stados, andre savo tumen o Sveto Duchos ačhaďa sar dozorcen, hoj tumen te starinen sar pasťjera pal e cirkev le Devleskri, vaš savi počinďa peskre rateha.

1. Korinťanenge 11:3

Ale kamav, hoj te džanen, hoj o šero dojekhe muršeskro hin o Kristus, o šero la džuvľakro hin o murš a o šero le Kristoskro hin o Del.

Efežanenge 5:23

Bo o murš hin o šero la džuvľake, avke sar hin o Kristus o šero la cirkvake, peskre ťeloske, saveske hino Spasiťeľis.

Kološanenge 1:18

Ov hino o šero le ťeloskro, la cirkvakro. Ov hino ešebno, ko ušťiľa andral o meriben, hoj te avel andre savoreste ešebno.

Kološanenge 1:8

Ov amenge vakerelas the pal tumaro kamiben andro Duchos.

Kološanenge 2:10

A the tumen dochudňan e plnosť andre leste. Ov hino upral savore raja the autoriti.

Kološanenge 2:19

Kajse manuša pes na ľikeren le šerestar, so hin o Kristus. O šero ľikerel jekhetane calo ťelos, savo hino prephandlo le šľachenca the le klubenca, hoj te barol avke, sar oda o Del kamel.

1. Timoteoske 3:15

No, te avľomas nasig, kamav, hoj te džanes, sar pes kampel te ľikerel andro kher le Devleskro, so hin e cirkev le džide Devleskri, o slupos the o zoralo zaklados le čačipnaskro.

Židenge 2:8

a savoro thoďal tel leskre pindre.“ Savoro leske diňal a na mukľal ňič, so leske na uľahas poddino. Ale akana mek na dikhas, hoj leske hin savoro poddino.