Daniel 9:17 - Le Devleskero Lav Andre Romaňi Čhib Slovensko 2021

¹⁷ Ale akana, Devla amaro, šun avri e modľitba the o mangipen tire služobňikoskro. Ker oda prekal tute korkoreste, Rajeja, mi švicinel tiro muj pre tiro zňičimen Chramos.

Daniel 9:17 ပူးပေါင်းရင်းမြစ်များ

1. Kraľengro 8:28

Mangav tut, RAJEJA, Devla miro, šun avri e modľitba tire služobňikoskri, mangav vaš o jileskeriben! Ker avke, sar tutar mangav adadžives.

Nehemiaš 1:6

Dikh pre ma a šun avri tire služobňikoskri modľitba, so džal ke tu rat the džives, vaš tire služobňika vaš o Izraeliti. Pridžanav, hoj savore kerďam bini: me, mire dadeskri famelija the calo Izrael.

Žalmi 119:135

Švicin tire mujeha pre tiro služobňikos. Sikav man tire prikazi!

Žalmi 4:6

Anen o čače obeti le RAJESKE a pačan leske!

Žalmi 67:1

Oleske ko ľidžal o bašaviben pro strunengro nastrojis. O žalmos. E giľi.

Žalmi 67:2

Devla, av ke amende jileskro a požehňin amen, mi švicinel pre amende tiro muj!

Žalmi 74:3

Predža tut pal kala rozburimen muri, so hine čhide tele pro furt; dikh sar o ňeprijaťeľis zňičinďa savoro andro sveto Chramos!

Žalmi 80:1

Oleske, ko ľidžal o bašaviben. Pro giľavipen: „O ľaľije la zmluvakre.“ Le Asafoskro žalmos.

Žalmi 80:19

avke pes tutar na visaraha. Obdžiďar amen a lašaraha tiro nav!

Žalmi 80:3

anglo Efrajim, Benjamin the Menaše! Presikav tiri zor a av amen te zachraňinel!

Žalmi 80:4

Visar amen pale ke tu, Devla! Mi švicinel pre amende tiro muj, hoj te avas zachraňimen!

Žalmi 80:7

Kerďal, hoj o narodi pašal amende pes te maren vaš amari phuv, a amare ňeprijaťeľa peske amendar te keren pheras.

Izajaš 48:11

Ča prekal ma, ča prekal ma oda kerav. Bo sar šaj domukav te meľarel andre miro nav? Miri slava na dava ňikaske avreske.“

Roviben le Jeremijašiskro 3:56

Tu šunďal miro mangipen: „Ma phand tuke o kana andre, sar ke tu vičinav vaš e pomoca!“

Roviben le Jeremijašiskro 5:18

anglo verchos Sion, savo hino zňičimen a o liški odarik denašen.

Daniel 9:19

Rajeja, šun! Rajeja, odmuk! Rajeja, šun avri a ker! Ma odthov oda! Ker oda vaš tuke korkoreske, Devla miro! Bo tiro foros a tire manuša ľidžan tiro nav.“

O Evaňjelium le Janoskro 16:24

Dži akana mek andre miro nav na mangenas ňič. Avke mangen a chudena, hoj tumare radišagoske ňič te na chibaľinel.

2. Korinťanenge 1:20

Bo savore lava, pal save o Del phenďa, hoj amenge dela, hine andro Ježiš „He“, a vašoda andro Ježiš phenas „Amen“ – le Devleske pre slava.

Zjaveňje 21:23

Le foroske na kampel, hoj leske te švicinel o kham abo o čhonoro, bo e slava le Devleskri leske švicinel a leskri lampa hin o Bakroro.