Daniel 6:7 - Le Devleskero Lav Andre Romaňi Čhib Slovensko 2021

⁷ Paľis pes but bare uradňika the vladara zgele ko kraľis a phende leske: „Kraľina, Darius, dživ pro furt!

Daniel 6:7 ပူးပေါင်းရင်းမြစ်များ

Žalmi 10:9

Sar o ľevos užarel garudo andre peskri chev, avke užarel ov, hoj te chudel le slabes. Chudela le slabes a cirdela les pal peste andre sita;

Žalmi 2:2

O kraľa pre phuv pes zdžan a o vodci pes dovakeren maškar peste, sar te džal pro RAJ the pre leskro pomazimen kraľis.

Žalmi 59:3

Le man avri olendar, ko keren o nalačhipen, a zachraňin man olendar, ko murdaren!

Žalmi 59:5

Nane man ňisavi vina, ale on hine pripravimen te chučel pre ma. Ušťi, RAJEJA, av te dikhel a pomožin mange!

Žalmi 62:4

Mek dži kana pre mande džana? Savore man daraven avri, hoj man čhivena tele sar e fala, so maj perel tele, sar o muros, so šaj visaľol avri.

Žalmi 83:5

Phenen: „Aven, murdaras len avri, hoj te na ačhen narodoske, hoj pes imar šoha te na leperel pro nav le Izraeloskro!“

Žalmi 94:20

Či šaj tut zdžas le nalačhe vladarenca, so le nalačhe zakonenca dukhaven le manušen?

Daniel 2:4

O astrologa phende le kraľiske andre aramejiko čhib: „Kraľina, dživ pro furt! Phen tire služobňikenge tiro suno a amen tuke phenaha, pal soste džal.“

Daniel 3:11

Ale oda, ko na perela pre phuv a na banďola angle socha, ela čhido andro jagalo bov rozlabardo.

Daniel 3:2

Paľis o kraľis vičinďa le vladaren, le guverneren, le foroskre vodcen, le hlavne radcen, le spravcen upral o pokladňici, le sudcen the savore avre uradňiken andral o provinciji, hoj te aven, bo kamelas te pošvecinel e socha, so diňa te ačhavel.

Daniel 3:27

A savore vladara, o guvernera, le foroskre vodci the o aver uradňika le kraľiskre avle a dikhle, hoj e jag ole trine muršen na kerďa ňič, aňi jekh bal pro šero lenge na zlabiľa, aňi o gada pre lende na zlabile a aňi na khandenas pal o thuv.

Daniel 3:6

Oda, ko na perela pre phuv a na banďola, ela čhido andro jagalo bov rozlabardo.“

Daniel 6:16

Paloda ola murša gele ko kraľis a phende leske: „Džan, kraľina, hoj pal o zakonos le Medengro the le Peržanengro pes ňisavo prikazis, so diňa avri o kraľis, imar na del te čerinel!“

Daniel 6:22

O Daniel le kraľiske odphenďa: „Kraľina, dživ pro furt!

Micheaš 6:5

Manušale mire, leperen tumenge, so kamelas te kerel o Balak, le Moabengro kraľis, a so leske odphenďa o Balaam, le Beoriskro čhavo. Leperen tumenge pro drom andral o Šitim andro Gilgal, hoj te džanen o spravodľiva skutki le RAJESKRE.“

Nahum 2:12

Kaj hin akana oda foros, so sas sar o than le ľevengro? Oda than kaj o terne ľevi džanas te chal, o than kaj avenas o ľevos the e ľevica a o ľevocis sas ode bi e dar.

Matuš 12:14

O Farizeja odarik gele het a dovakerenas pes pre leste, sar les te murdarel.

Matuš 26:4

Dovakerde pes, hoj le Ježiš počoral chudena a murdarena les.

Marek 15:1

Takoj sig tosara pes dovakerde o bare rašaja, o phuredera, o zakoňika the e Bari Rada. Phandle le Ježiš, odľigende les a dine le Pilatoske.

O Evaňjelium le Janoskro 12:10

Avke pes o bare rašaja dovakerde, hoj murdarena the le Lazar,