Daniel 6:18 - Le Devleskero Lav Andre Romaňi Čhib Slovensko 2021

¹⁸ Avke ande baro bar a zaučharde leha e chev. O kraľis zapečaťinďa oda bar peskra angrusaha a the le anglune muršengre angrusenca, hoj ňiko te na zachraňinel le Daniel.

Daniel 6:18 ပူးပေါင်းရင်းမြစ်များ

2. Samueloskro 19:24

Paľis phenďa le Šimejoske: „Na mereha!“ A kada leske phenďa o David la veraha.

1. Kraľengro 21:27

Sar o Achab šunďa kala lava, čhingerďa pre peste o gada a urďa pre peste o gada le gonestar. Poscinelas pes, sovelas andro gada le gonestar a sas igen smutno.

Ester 6:1

Odi rat o kraľis našťi sovelas a phenďa le sluhenge: „Anen mange e kronika, andre savi hin pisimen savoro, so pes ačhiľa andre miro kraľišagos, a pregenen mange andral.“

O Job 21:12

Giľaven le bašavibnaha pre čerkutka the pre harfa a radisaľon, sar bašaven pre flauta.

Žalmi 137:2

Ode pro stromi, pro virbi, figinahas amare citari.

Žalmi 77:4

Leperav mange pro Del a stukinav; gondoľinav a miro duchos pes trapinel.

Kazaťeľis 2:8

Skidňom mange o rup the o somnakaj, the o barvaľipen avre kraľengro the phuvengro; stradňom mange muršen the džuvľen, save prekal ma giľavenas, a sas man pherdo džuvľa, save mange kerenas o radišagos.

Roviben le Jeremijašiskro 3:53

Čhide man andre bari jama, hoj man te murdaren, a čhivkerenas andre mande le barenca.

Daniel 10:3

Na chaľom lačho chaben, aňi mas aňi mol na iľom andro muj. Aňi na makhľom man olejoha, medik na pregele trin kurke.

Daniel 2:1

Sar kraľinelas o Nebukadnecar dujto berš, sas les sune. Na sas les smirom andro jilo a našťi sovelas.

Daniel 6:19

Paľis o kraľis geľa andre peskro palacis a caľi rat pes poscinelas. Na sovelas a na kamelas ňikas, hoj les te zabavinel.

Zjaveňje 18:22

Imar šoha andre tu na šunďola o bašaviben olengro, ko bašaven pro harfi, pro flauti the pro trubi, aňi o hangos avre lavutarengro. Imar šoha pes andre tu na arakhela ňisavo majstros, savo kerel varesavi buči, aňi andre tu na šunďola o zvukos le mlinoskro.