Daniel 4:21 - Le Devleskero Lav Andre Romaňi Čhib Slovensko 2021

²¹ Kada sikavel o suno, kraľina; o Nekbareder diňa avri, so ela mire rajeha, le kraľiha:

Daniel 4:21 ပူးပေါင်းရင်းမြစ်များ

Žalmi 104:17

Andre lende peske keren hňizdi o čirikle; andro ciprusi bešen o bociana.

Ezechiel 17:23

Sadzinava les pro učo verchos le Izraeloskro, barola leske o konara a anela o uľipen a ačhela lestar igen šukar cedros. Savore čirikle peske ode kerena o hňizdi, dživena tel o ciňos leskre konarengro.

Ezechiel 31:6

Pre leskre vetvi hňjezďinenas savore ňeboskre čirikle; tel leskre konara uľonas savore dziva džviri; andre leskro ciňos bešenas savore bare narodi.

Daniel 2:38

Diňa tuke andro vasta le manušen, le dzive džviren the le ňeboskre čiriklen všadzik, kaj bešen. Ačhaďa tut, hoj te vladňines upral oda savoro. Tu sal oda somnakuno šero.

Daniel 4:11

Zorales vičinelas a phenďa: „Čhinen tele o stromos a čhingeren tele leskre konara! Razinen tele leskre prajti a leskro ovocje rozčhiven! O džviri mi denašen telal leskro ciňos a o čirikle mi ľecinen het pal leskre konara!

Daniel 4:20

O kraľis dikhľa le svete stražcas, le aňjelos, te avel tele andral o ňebos, savo phenelas: ‚Čhinen tele o stromos a zňičinen les, ale o pňakos le koreňenca muken andre phuv a phanden pašal leste o trastune the brondzune lanci. Mi ačhel andre maľakri čar, mi čuľal pre leste e ňeboskri rosa a mi dživel le dzive džvirenca dži akor, medik na predžala efta berša.‘

Daniel 4:22

Tradena tut avri pašal o manuša a dživeha le dzive džvirenca. Chaha čar sar o dobitkos a čuľala pre tu e ňeboskri rosa. Efta berša predžana, medik tuke na pridžaneha, hoj o Nekbareder hin o raj upral o kraľišagos le manušengro a hoj les del, kaske kamel.

Лукастар 13:19

Hino sar o horčično zrnkos, so iľa o manuš a sadzinďa pre peskri maľa. Ode bariľa, ačhiľa lestar baro stromos a pre leskre konara peske kerde hňizdi o čirikle andral o ňebos.“