Amos 7:17 - Le Devleskero Lav Andre Romaňi Čhib Slovensko 2021

¹⁷ Vašoda o RAJ phenel kada: ‚Tira romňatar ela lubňi andro foros, tire čhave the tire čhaja ena murdarde la šabľaha a tire maľi ena merimen avri a rozďelimen. Tu korkoro mereha andre aver phuv a le Izrael zalena a ľidžana het andral peskri phuv.‘ “

Amos 7:17 ပူးပေါင်းရင်းမြစ်များ

2. Kraľengro 17:6

Sar kraľinelas o Hošea eňato berš, domarďa o asiriko kraľis e Samarija. Zaiľa le Izraeliten a odľigenďa len andre Asirija. Thoďa len te bešel andro foros Chalach, andro Chabor paš o paňi Gozan the andro Medska fori.

Žalmi 78:55

Le naroden tradňa avri anglal lende, e ďeďično phuv lenge merinďa avri a rozďelinďa; le Izraeloskre kmeňenge diňa te bešel andre lengre khera.

Izajaš 13:16

Le čhavoren lenge murdarena anglo jakha, o khera lenge občorarena a le romňijenca lenge našilu pašľona.

Izajaš 22:18

Ov tut pačarela andre sar labda a čhivela tut het andre igen bari phuv. Ode mereha a tire verdana, savenca tut lašares, ena pre ladž andro kher tire rajeskro.

Jeremijaš 14:16

A pre ola manuša, savenge on prorokinen, avela e šabľa the e bokh a ena čhide avri pro uľici andro Jeruzalem. Na ela ko te parunel aňi len aňi lengre romňijen aňi lengre čhaven the čhajen. Čhivava pre lende avri oda nalačhipen, so on korkore kerenas.“

Jeremijaš 20:6

Tu, Pašchur, the savoredžene andral tiro kher avena zaile andro Babilon. Ode mereha a parunena tut savore tire prijaťeľenca, savenge falošňe prorokinďal.‘ “

Jeremijaš 28:12

Paloda, sar o prorokos Chananijaš phagerďa o jarmos, so sas pre meň le prorokoske Jeremijašiske, prevakerďa o RAJ ko Jeremijaš kavke:

Jeremijaš 28:16

Vašoda phenel o RAJ kada: ‚Me tut lava pal kadi phuv. Mek kada berš mereha, bo kerďal upre le manušen, hoj pes te ačhaven le RAJESKE.‘ “

Jeremijaš 29:21

Kada phenel o Nekzoraleder RAJ, o Del le Izraeloskro, pal o Achab, čhavo le Kolajoskro, the pal o Cidkijah, čhavo le Maasejoskro, save tumenge andre miro nav falošňe prorokinenas: „Dava len andro vasta le babiloňike kraľiske le Nebukadnecaroske a ov len murdarela angle tumare jakha.

Jeremijaš 29:25

„Kada phenel o Nekzoraleder RAJ, o Del le Izraeloskro: Vašoda, hoj andre tiro nav bičhaďal savore manušenge andro Jeruzalem the le rašaske le Cefanjoske, le Maasejoskre čhaske, a the savore okle rašajenge kada ľil:

Roviben le Jeremijašiskro 5:11

Amare džuvľija sas zňeužimen pro Sion, the o pačivale čhaja andro judska fori.

Ezechiel 4:13

Paľis mange o RAJ phenďa: „Avke chana o Izraeliti peskro melalo maro maškar o narodi, kaj len roztradava.“

Hozeaš 9:3

Na ačhena te bešel andre phuv le RAJESKRI; o Efrajim džala pale andro Egipt a andre Asirija chana o nažužo chaben.

Amos 6:7

Vašoda avena maškar o ešebna, so ena zaile; tumaro radišagos the mulatišagos preačhela.

Amos 7:11

Bo o Amos vakerel kada: ‚O Jarobeam ela murdardo la šabľaha a le Izrael zalena a ľidžana het andral peskri phuv.‘ “

Amos 8:1

O RAJ, o Adonaj, mange sikaďa kada: o košaris le zrele ovocenca.

Amos 9:1

Dikhľom le Rajes te ačhel paš o oltaris a phenďa: „Demav pal o chramoskro slupos upral, hoj pes te razinen o zakladi telal! Čhiv len tele pro šere le manušenge a olen, ko ačhena te dživel, murdarava la šabľaha! Aňi jekh lendar na denašela; ňiko pes na zachraňinela.

Amos 9:8

Dikh, o jakha le Nekzoraleder RAJESKRE dikhen pro binošno kraľišagos: Zňičinava les pal e phuv! Ale na zňičinava calkom o kher le Jakoboskro,“ phenel o RAJ.

Micheaš 1:16

Hoľin tuke o šero žaľatar vaš o čhave, savendar radisaľos, strihin tut avke sar o supos, bo zaile tuke le čhaven sar bertenošen andre aver phuv.“

Zacharijaš 14:2

Skidava upre savore naroden paš o Jeruzalem, hoj pes leha te maren. O foros zalena, o khera občorarena a le džuvľenca našilu pašľona. Jepaš foros ela zailo a ľigendo het, ale oklen na ľigenena het andral o foros.