Amos 5:7 - Le Devleskero Lav Andre Romaňi Čhib Slovensko 2021

⁷ Vigos olenge, ko previsaren o čačipen pro sudos a o spravodľišagos čhiven pre phuv.

Amos 5:7 ပူးပေါင်းရင်းမြစ်များ

Žalmi 125:5

Ale olen, ko oddžan pro bange droma, o RAJ tradela het jekhetane olenca, ko keren o nalačhipen. O smirom pro Izrael!

Žalmi 36:3

Igen but peske pal peste gondoľinel, vašoda na udžanel peskro binos a na odsudzinel les.

Prislovja 21:7

Le bijedevleskren zňičinena lengre maribnaskre skutki, bo na kamen te kerel o čačipen.

Izajaš 1:23

Tire raja hine vzburenci a ľikeren pes le zbujňikenca; lenge savorenge džal pal o prepočiňiben a rado prilen o dari; vaš o široti na zaačhen pro sudos a le vdovengro pripados aňi na šunen.

Izajaš 10:1

Vigos olenge, ko den avri o načačipnaskre zakoni, the olenge, ko pisinen o prikazi, hoj te trapinen le manušen;

Izajaš 46:12

Šunen man, tumen, so san zacata andro jile, tumen, so san dur la spravodľišagostar!

Izajaš 5:20

Vigos olenge, ko pro nalačho phenen lačho a pro lačho nalačho, kaske hin o kaľipen sar o švetlos a o švetlos sar kaľipen, kaske hin o kirko gulo a o gulo kirko.

Izajaš 5:7

Se e viňica le Nekzoraleder RAJESKRI, hin o kher le Izraeloskro a o manuša andral e Judsko hin leskro sados, andre savo thovel o baripen. Užarelas o čačipen pro sudos, ale dikh, o murdaripen; užarelas o spravodľišagos, ale dikh, o viskišagos pre pomoca.

Ezechiel 18:24

Ale te pes o spravodľivo manuš visarela peskre spravodľišagostar a chudela te kerel ajse džungale bini, sar kerel o bijedevleskro manuš, či šaj dživela? Ňisavo leskro spravodľišagos, savo kerďa, pes leske imar na leperela angle ola ňeverna skutki, so kerďa. Merela vaš peskro binos.

Ezechiel 3:20

Te pes o spravodľivo manuš visarela peskre spravodľišagostar a chudela te kerel o nalačhipen, akor me kerava, hoj te perel, a ov merela. Te leske na phenďal ňič, ov merela vaš peskro binos a leskre spravodľiva skutki, so kerelas, pes na rachinena. Ale leskro rat mangava andral tiro vast.

Ezechiel 33:18

Te o spravodľivo manuš preačhela te kerel o spravodľišagos a chudela te kerel o nalačhipen, merela vaš oda nalačhipen, so kerel.

Hozeaš 10:4

Vakeren prazdna lava, len falošňe vera a phanden o zmluvi. Vašoda le sudostar ačhel sar o jedovato koľakos pre orimen maľa.

Amos 2:3

Murdarava le Moaboskre sudcas a jekhetane leha the savore leskre vodcen,“ phenel o RAJ.

Amos 3:10

Kavke phenel o RAJ: „Se na džanen te kerel oda, so hin lačho; peskre khera pherdžaren oleha, so občorarde a zaile avrendar.“

Amos 6:12

Či šaj denašen o graja pal o skali? Či šaj o voli orinen o moros? Ale tumen o čačipen pro sudos visarďan pro jedos, a o ovocje le spravodľišagoskro pre palina –

Micheaš 3:9

Šunen kada, tumen, so ľidžan o kher le Jakoboskro, tumen vodcale, so ľidžan o Izrael! Tumen, so našťi avri ačhen o spravodľišagos a previsaren savoro, so hin čačipen!

Habakuk 1:4

vašoda le zakonos nane zor a o čačipen pro sudos šoha na avel avri; o nalačho obkľučinel le spravodľivones, vašoda o čačipen hino previsardo.

Sofonijaš 1:6

olen, ko gele le RAJESTAR het, ko na roden le RAJES aňi pes ke leste na visaren.“

5. Mojžišoskro 29:18

Šaj pes ačhel, hoj vareko šunela kala lava pal o prekošiben, ale phenela peske: ‚Ňič pes mange na ačhela. Dživava avke, sar kamav. Se jednakones doperela o švižo the o šuko stromos.‘