Amos 5:24 - Le Devleskero Lav Andre Romaňi Čhib Slovensko 2021

²⁴ Ale o čačipen pro sudos mi džal prudoha sar o paňi, a o spravodľišagos sar e jarka, so šoha na šučol avri!

Amos 5:24 ပူးပေါင်းရင်းမြစ်များ

Prislovja 21:3

Te kerel o čačipen the o pravos hin le RAJESKE buter pre dzeka sar e obeta.

Izajaš 48:18

Te ča tuke iľalas mire prikazaňja andro jilo, tiro smirom uľahas sar o paňi a tiro spravodľišagos sar o moroskre vlni.

Jeremijaš 22:3

Kada phenel o RAJ: ‚Keren oda, so hin spravno a spravodľivo, len avri le občorarde manušes andral o vasta oleske, ko les trapinel. Ma keren ňisavo nalačhipen aňi ma trapinen le cudzincen, le široten the le vdoven; ma čhoren avri o ňevinno rat pre kada than.

Ezechiel 45:9

„ ‚Kada phenel o RAJ, o Adonaj: Imar dos, kraľale le Izraeloskre! Preačhen tumen te marel a te trapinel le manušen a keren oda, so hin lačho a spravno! Preačhen imar te zalel e phuv le manušengri, phenel o RAJ, o Adonaj.

Hozeaš 6:6

Bo me, o Del, kamav tumaro verno kamiben a na e obeta; buter kamav, hoj man te prindžaren, sar hoj mange te anen o labarde obeti.

Amos 5:23

Preačhen mange avke zorales te giľavel! Na kamav te šunel tumaro bašaviben pre harfa.

Amos 5:7

Vigos olenge, ko previsaren o čačipen pro sudos a o spravodľišagos čhiven pre phuv.

Micheaš 6:8

O RAJ tuke diňa te džanel, manušeja, so hin lačho. So tutar kamel? Te keres oda, so hin spravno, te presikaves o verno kamiben a te phires andre pokora tire Devleha.