Amos 1:4 - Le Devleskero Lav Andre Romaňi Čhib Slovensko 2021

⁴ Vašoda bičhavava e jag pro kher le Chazaeloskro, savi zlabarela o hradi le Ben-Hadadoskre.

Amos 1:4 ပူးပေါင်းရင်းမြစ်များ

1. Kraľengro 19:15

O RAJ leske odphenďa: „Dža pale le dromeha ke pušťa paš o Damašek. Sar ode dodžaha, pomazin le Chazael kraľiske upral o Aram;

2. Kraľengro 13:25

Avke o Jehoaš pale iľa o fori le Ben-Hadadostar, so o Chazael andro mariben iľa leskre dadestar le Joachazostar. O Jehoaš upral leste trival zviťazinďa, avke pale dochudňa o izraelika fori.

2. Kraľengro 13:3

Akor o RAJ sas choľamen pro Izraeliti, a vašoda len diňa pro but berš andro vasta le aramejike kraľiske le Chazaeloske the leskre čhaske le Ben-Hadadoske.

2. Kraľengro 6:24

Pal varesavo časos o aramejiko kraľis Ben-Hadad, zvičinďa savore peskre slugaďen, gele pro foros Samarija a rozačhade pes pašal leste.

2. Kronicko 16:2

O Asa iľa savoro rup the somnakaj andral o Chramos le RAJESKRO the palacis a bičhaďa oda peskre služobňikenca andro Damašek ko kraľis Ben-Hadad. Diňa leske te phenel:

Jeremijaš 17:27

Ale te na šunena mire lava, hoj pes te pošvecinel o šabat, a hordinena tumaro tovaris a predžana leha prekal o brani le Jeruzalemoskre, akor bičhavava pre leskre brani e jag, so na murdaľola andre a labarela avri o pevnosťi le Jeruzalemoskre.‘ “

Jeremijaš 49:27

„Labarava e jag pro muri andro Damašek a chala o palaca le Ben-Hadadoskre.“

Ezechiel 30:8

Akor sprindžarena, hoj me som o RAJ, sar labarava e jag andro Egipt a savore, so hine le Egiptoha, ena murdarde.

Ezechiel 39:6

Me bičhavava e jag pro Magog the pro fori pašal o moros, kaj peske o manuša dživen andro smirom; akor sprindžarena, hoj me som o RAJ.

Hozeaš 8:14

O Izrael bisterďa pre peskro Stvoriťeľis a ačhavelas o palaca, o Juda kerďa but ohradzimen fori. Ale me pre lengre fori bičhavava e jag a zlabarela lengre hradi.“

Amos 1:10

Vašoda bičhavava e jag pro foroskre muri andro Tir, savi zlabarela leskre hradi.“

Amos 1:12

Vašoda bičhavava e jag pro Teman, savi zlabarela o hradi andre Bocra.“

Amos 1:14

Vašoda rozlabarava e jag pro foroskre muri andre Raba, a zlabarela lakre hradi akor, sar ode šunďola e vika le maribnaskri the e zoraľi balvaj la burkaha.

Amos 1:7

Vašoda bičhavava e jag pro foroskre muri andre Gaza, savi zlabarela lakre hradi.

Amos 2:2

Vašoda bičhavava e jag pro Moab, a zlabarela o hradi andro Kerijot. O Moab merela andre bari vika, sar šunďola o maribnaskro viskišagos the o hangos la trubakro.

Amos 2:5

Vašoda bičhavava e jag pro Juda, a zlabarela o hradi andro Jeruzalem.“

Sudcengro 9:57

O Del visarďa pale the le muršenge andral o Šichem vaš oda, so kerde. Kavke pre lende avľa o prekošiben, so phenďa o Jotam, o čhavo le Gideonoskro.