Amos 1:12 - Le Devleskero Lav Andre Romaňi Čhib Slovensko 2021

¹² Vašoda bičhavava e jag pro Teman, savi zlabarela o hradi andre Bocra.“

Amos 1:12 ပူးပေါင်းရင်းမြစ်များ

1. Mojžišoskro 36:11

Le Elifazoskre čhave sas o Teman, o Omar, o Cefo, o Gatam the o Kenaz.

1. Mojžišoskro 36:33

Sar muľa o Belas, kraľinelas o Jobab, le Zerachoskro čhavo andral e Bocra.

1. Kronicko 1:44

Sar muľa o Belas, kraľinelas o Jobab, le Zerachoskro čhavo, andral e Bocra.

Izajaš 34:5

Se miri šabľa dokerďa peskri buči andro ňebos, dikh, avel tele pro Edom, te sudzinel le manušen, so hine odthode pro meriben.

Izajaš 34:6

E šabľa le RAJESKRI čaľiľa le ratestar, thuľiľa le tukostar, le bakrengre the le capengre ratestar, the le tukostar pal o bikengre ľadvini. Bo o RAJ kerel e obeta andre Bocra the o baro murdaripen andro Edom.

Izajaš 63:1

K'oda avel andral o Edom, urdo andro lolo ruchos andral e Bocra? Ko hin avke šukares urdo a phirel peske andre bari zor? „Oda som me, ko vakerel andro spravodľišagos a hino zoralo te zachraňinel.“

Jeremijaš 49:13

Pre mande iľom vera,“ phenel o RAJ. „E Bocra ela pre ladž the pre bari dar, ela tele čhiďi, lakro nav lena, sar pes košena, a savore lakre fori ena zburimen tele pro furt.“

Jeremijaš 49:20

Vašoda šunen, so o RAJ plaňinel pro Edom, so peske pripravinel pre ola, ko bešen andro Teman. Mek the le cikne čhavoren lenge ľidžana het a lengre khera ena zňičimen vaš oda, so kerde.

Jeremijaš 49:22

Dikh, o ňeprijaťeľis ľecinel a avel tele sar orlos, nacirdel peskre kridli upral e Bocra. Andre oda džives ela o jilo le Edomoskre hrďinengro sar o jilo la džuvľakro, so ločhol andro dukha.“

Jeremijaš 49:7

Pal o Edom. Kada phenel o Nekzoraleder RAJ: „Či imar nane goďaveripen andro Teman? Či našľiľa e rada olengri, ko achaľon? Či hin lengro goďaveripen našado?

Ezechiel 25:13

kada phenel o RAJ, o Adonaj: Nacirdava miro vast pro Edom a murdarava ode avri le manušen the le džviren. Kerava lestar pušťa a pašal o Teman dži paš o Dedan ena o manuša murdarde la šabľaha.

Obadijaš 1:1

Le Obadijašoskro viďeňje. Kada phenel o RAJ, o Adonaj, pal o Edom. Amen šunďam kala lava le RAJESTAR: O RAJ bičhaďa le poslos maškar o narodi, savo phenelas: „Ušťen upre! Aven džas pro mariben pro Edom!“

Habakuk 3:3

O Del avel andral o Teman, o Sveto Del avel pal o verchi Paran. Leskri slava zaučharel o ňebos a leskri chvala pherarel caľi phuv.