5. Mojžišoskro 6:24 - Le Devleskero Lav Andre Romaňi Čhib Slovensko 2021

²⁴ O RAJ, amaro Del, amenge prikazinďa, hoj te doľikeras savore zakoni a te das les pačiv, hoj amenge te el furt mištes a hoj amen te ľikerel paš o dživipen avke sar adadžives.

5. Mojžišoskro 6:24 ပူးပေါင်းရင်းမြစ်များ

Žalmi 41:2

Bachtalo hin oda, ko gondoľinel pro čoro manuš; o RAJ les lela avri andral o pharo džives.

Žalmi 41:3

O RAJ les ochraňinela a mukela les te dživel; pre phuv les vičinena požehňimen. Ma domuk le ňeprijaťeľenge, hoj les te zňičinen!

Žalmi 66:9

Ov amen ľikerelas paš o dživipen a na domukľa, hoj amenge o pindre te poddžan.

2. Mojžišoskro 20:20

O Mojžiš lenge odphenďa: „Ma daran tumen, se o Del tumen avľa te skušinel, hoj lestar te daran a imar te na keren o bini.“

Prislovja 22:4

O počiňiben vaš e pokora the vaš e sveto dar anglo RAJ hin o barvaľipen, e slava the o dživipen.

Prislovja 9:12

Te aveha goďaver, ela oda pre tiro lačho, ale te asaha olestar, tu korkoro cerpineha.

Izajaš 3:10

Phenen le spravodľivenge, hoj lenge ela mištes; on radisaľona olestar, so chudena vaš peskre lačhe skutki.

Jeremijaš 32:39

Dava len jekh gondoľišagos andro jilo, hoj savore te dživen avke, hoj man furt te den pačiv. Kerena oda prekal peskro lačho the prekal o lačho peskre čhavenge, so pal lende avena.

Matuš 6:33

Ale roden ešeb o kraľišagos le Devleskro the leskro spravodľišagos a savore kala veci tumenge ena dine paš oda.

Лукастар 10:28

O Ježiš leske phenďa: „Mištes odphenďal, kada ker a dživeha.“

Rimanenge 10:5

Bo o Mojžiš pisinel pal o spravodľišagos andral o zakonos: „Oda manuš, ko doľikerela leskre prikazaňja, dživela lendar.“

5. Mojžišoskro 4:1

„Akana, Izraelona, šun o prikazi the o zakoni, so tumen sikavav te doľikerel, hoj te dživen a te džan te zalel e phuv, so tumen del o RAJ, o Del tumare dadengro.

5. Mojžišoskro 4:4

Ale tumen, ko sanas pačivale le RAJESKE, adadžives mek dživen.

5. Mojžišoskro 6:2

Te kamen but te dživel andre odi phuv, tumen, tumare čhave the tumare vnuki mušinen calo dživipen te del pačiv le RAJES a te doľikerel leskre prikazaňja the zakoni.

5. Mojžišoskro 6:23

Iľa amen odarik avri, hoj amen te anel a te del amenge e phuv, pal savi diňa lav la veraha.

5. Mojžišoskro 8:1

„Doľikeren pačivalones dojekh prikazis, so tumenge adadžives phenav, hoj te dživen, hoj tumen te avel but čhave a te džan te zalel e phuv, pal savi diňa lav la veraha o RAJ tumare daden.

5. Mojžišoskro 8:3

Pokorinelas tut a domukelas, hoj te bokhaľos, ale paľis tut čaľarelas la mannaha, savi na prindžarehas aňi tu aňi tire dada. Aleha tut o RAJ sikavelas, hoj o manuš na dživel ča le marestar, ale dojekhe lavestar, so avel avri andral o muj le RAJESKRO.