5. Mojžišoskro 32:23 - Le Devleskero Lav Andre Romaňi Čhib Slovensko 2021

²³ Mukava pre lende e pohroma pal e pohroma a ľivinava pre lende savore mire šipi.

5. Mojžišoskro 32:23 ပူးပေါင်းရင်းမြစ်များ

2. Samueloskro 22:15

Ľivinďa peskre šipi a roztradňa le ňeprijaťeľen, bičhaďa o bleski a denašenas.

2. Kraľengro 22:17

bo man omukle a labarenas o kaďidlos avre devlenge. Savoreha, so kerenas, anenas pre peste miri choľi. Miri choľi pre kada than hiňi sar jag, so labol a na preačhel.“ ‘

Žalmi 18:14

O RAJ herminďa andral o ňebos, o hangos le Nekbaredere Devleskro šunďiľa, o krupi the o jagale angara.

Žalmi 45:5

Andre tiri slava dža tire verdaneha andro mariben; mar tut vaš o čačipen, vaš e pokora the vaš o spravodľišagos. Mi sikaven pes prekal tiro čačo vast o bare skutki!

Žalmi 7:14

pripravinel peske e meribnaskri zbraň, ľivinel o jagale šipi.

Izajaš 26:15

Rozbararďal o narodos, RAJEJA, rozbararďal o narodos, oslavinďal tut, buchľarďal savore hraňici la phuvakre.

Roviben le Jeremijašiskro 3:13

Predemaďa mange o jilo le šipenca andral peskro tulcos.

Ezechiel 14:21

Bo kada phenel o RAJ, o Adonaj: Bičhavava pro Jeruzalem mire štar strašna sudi – e šabľa, e bokh, o meribnaskro nasvaľiben the le dzive džviren –, hoj te murdarav avri andral o foros le manušen the le džviren.

Ezechiel 5:16

Manušale andro Jeruzalem, mukava pre tumende mire meribnaskre šipi, so anena e bokh the e pohroma; mukava len, hoj tumen te zňičinav. Domukava pre tumende furt bareder bokh a na domukava te anel o maro andro foros.

Ezechiel 9:6

Murdaren le phure muršes, le terne čhas, la terňa čha, la da the le čhaven. Ale ma chuden tumen olendar, ko hine poznačimen! Chuden ešeb andre miro Chramos!“ Avke on chudle te murdarel le phurederen, so sas anglo Chramos.

3. Mojžišoskro 26:18

Te man aňi akor na šunena, marava tumen vaš tumare bini eftavar buter.

3. Mojžišoskro 26:24

akor man the me ačhavava tumenge a marava tumen vaš tumare bini eftavar buter.

5. Mojžišoskro 28:15

„Ale te na šuneha le RAJES, tire Devles, te na doľikereha leskre prikazaňja, so tuke adadžives dav, a na dživeha pal lende, avena pre tute savore kala prekošibena:

5. Mojžišoskro 29:21

Tumare potomki, save avena pal tumende, the o cudzinci, save avena dural andral aver phuv, dikhena kala pohromi the nasvaľibena, save o RAJ bičhaďa pre tumari phuv.

5. Mojžišoskro 32:42

Mire šipi mačona le ratestar, ole dženengre ratestar, ko sas murdarde the zaile; miri šabľa chala o mas a odčhinela o šere lengre vodcenge.‘