5. Mojžišoskro 30:13 - Le Devleskero Lav Andre Romaňi Čhib Slovensko 2021

¹³ Nane aňi dži pre oki sera le moroskri, hoj te phučen: ‚Ko predžala o moros, hoj les te anel a te phenel amenge, hoj les te doľikeras?‘

5. Mojžišoskro 30:13 ပူးပေါင်းရင်းမြစ်များ

Prislovja 16:6

O kamiben the e vernosť odmukel o binos; te amen hin e sveto dar anglo RAJ, džaha het le nalačhipnastar.

Prislovja 8:11

Bo o goďaveripen mol buter sar o šperki, ňič, so kames, nane ajso sar ov.

Matuš 12:42

E kraľovna pal o juhos ušťela upre pro sudos tumenca a odsudzinela tumen, bo avľa dži pal o aver agor la phuvakro te šunel o goďaveripen le Šalamunoskro – ale kade hin vareko bareder sar o Šalamun.“

O Evaňjelium le Janoskro 6:27

Ma keren buči vaš ajso chaben, so našľol, ale vaš ajso chaben, so ačhel andro večno dživipen a so tumen o Čhavo le Manušeskro dela, bo pre leste thoďa o Del o Dad peskri pečať.“

Skutki 10:22

On odphende: „Bičhaďa amen o Kornelius, o veľiťeľis upral o šel slugaďa. Ov hino čačipnaskro manuš, savo pes daral le Devlestar a saves calo židoviko narodos del pačiv. O sveto aňjelos leske phenďa, hoj tut te vičinel andre peskro kher a te šunel tire lava.“

Skutki 10:33

Avke me pal tu bičhaďom a tu mištes kerďal, hoj avľal. A vašoda sam kade akana savore anglo Del, hoj te šunas savoro, so tuke prikazinďa o Raj.“

Skutki 16:9

Ode dikhľa o Pavol rači viďeňje: Varesavo murš, Macedončanos, ačhelas a mangelas les: „Av andre Macedonija a pomožin amenge!“

5. Mojžišoskro 30:12

Nane dži andro ňebos, hoj te phučen: ‚Ko džala upre andro ňebos te anel les tele a te phenel amenge, hoj les te doľikeras?‘

5. Mojžišoskro 30:14

Se oda lav hino igen pašes, hino andre tumare muja the andre tumare jile, hoj les te doľikeren.