5. Mojžišoskro 28:26 - Le Devleskero Lav Andre Romaňi Čhib Slovensko 2021

²⁶ Tumare mule ťeli chana o ňeboskre čirikle the o džviri la phuvakre a ňiko len pašal na tradela avri.

5. Mojžišoskro 28:26 ပူးပေါင်းရင်းမြစ်များ

Prislovja 30:17

E jakh, so asal le dadestar a dikhel tele peskra phura da, džubinena avri o havrani andral e dolina a chana les o supi.

Izajaš 34:3

Lengre mule džene na ena parunde, lengre ťela khandena, a lengro rat čuľala pal o verchi.

Jeremijaš 15:3

Štar veci pre tumende anava,“ phenel o RAJ, „e šabľa, hoj te murdarel, le rikonen, hoj te čhingeren, le čiriklen a the le dzive džviren, hoj te chan a te ňičinen.

Jeremijaš 16:4

„Merena pro meribnaskre nasvaľibena. Ňiko pal lende na rovela aňi len na parunela, ale pašľona pre phuv sar hnojos. Ena murdarde la šabľaha a merena bokhatar. Lengre mule ťela chana o čirikle the o dziva džviri.“

Jeremijaš 19:7

Pre kada than zňičinava o plani le Judaskre the le Jeruzalemoskre, murdarava len la šabľaha anglal lengre ňeprijaťeľa, ole dženengre vastenca, so len kamen te murdarel. Lengre mule ťela dava te chal le čiriklenge the le dzive džvirenge.

Jeremijaš 34:20

dava andro vasta lengre ňeprijaťeľenge the olenge, ko len kamen te murdarel. Lengre mule ťela chana o čirikle the o dziva džviri.

Jeremijaš 7:33

O mule ťela kale manušengre chana o čirikle the o dziva džviri. Na ela ko len te tradel het.

Jeremijaš 8:1

„ ‚Andre oda časos, phenel o RAJ, lena avri andral o hrobi o kokala le judske kraľengre, o kokala le rajengre, o kokala le rašajengre, o kokala le prorokengre the o kokala le manušengre andral o Jeruzalem.