5. Mojžišoskro 24:5 - Le Devleskero Lav Andre Romaňi Čhib Slovensko 2021

⁵ „O murš, savo peske mekča iľa romňa, našťi džal andro mariben a našťi les ispiden aňi andre aver služba. Ačhela khere berš, hoj te kerel radišagos peskra romňake.

5. Mojžišoskro 24:5 ပူးပေါင်းရင်းမြစ်များ

1. Mojžišoskro 2:24

Vašoda omukela o rom peskra da the peskre dades a ela jekhetane la romňaha a on duj džene ena jekh ťelos.

Prislovja 5:18

Av požehňimen tire prameňistar a radisaľuv tira romňatar, savaha sal terňipnastar!

Kazaťeľis 9:9

Radisaľuv andro dživipen tira romňaha, sava kames, andre savore dživesa, save našťi te achaľol. Bo kada radišagos hin le Devleskro daros prekal tu, medik keres e phari buči pre phuv.

Лукастар 14:20

Pale aver dženo phenďa: ‚Iľom mange romňa, a vašoda našťi džav.‘

1. Korinťanenge 7:29

Ale kada tumenge phenav, phralale, hoj imar amen nane but časos. A akanastar ola, kas hin romňija, mi dživen avke, sar te len na elas romňija.

5. Mojžišoskro 20:7

Hin kade ajso dženo, ko hino mangado varesava džuvľaha, ale mek peske la na iľa romňake? Mi džal pale khere, hoj te na merel andre kada mariben a te na lel peske la aver dženo.‘

5. Mojžišoskro 24:6

Te varekas des kečeň, ma le lestar andre zaloha o mlinoskro bar, bo olestar dživel leskri caľi famelija.