5. Mojžišoskro 20:5 - Le Devleskero Lav Andre Romaňi Čhib Slovensko 2021

⁵ Paľis prevakerena ko manuša o vodci le kmeňengre: ‚Hin kade ajso dženo, savo peske ačhaďa kher a mek les na pošvecinďa le Devleske? Mi džal khere a mi kerel oda, hoj te na merel andre kada mariben a hoj te na kerel oda aver dženo vaš leste, a te na dživel andre leskro kher.

5. Mojžišoskro 20:5 ပူးပေါင်းရင်းမြစ်များ

Nehemiaš 12:27

Sar imar kamle te pošvecinel o muri le Jeruzalemoskre, gele pal savore Leviti pre savore thana, kaj bešenas, hoj te aven a te oslavinen a te paľikeren le giľenca le bašavibnaha pro cimbalmi, pro harfi the pro citari.

Žalmi 30:1

O žalmos le Davidoskro. E giľi paš o sentňariben le Chramoskro.

4. Mojžišoskro 31:14

O Mojžiš choľisaľiľa pro veľiťeľa upral o ezeros the upral o šel, save pes visarenas le maribnastar.

4. Mojžišoskro 31:48

Paľis avle anglo Mojžiš savore armadakre veľiťeľa

5. Mojžišoskro 1:15

Avke tumen ke ma anďan ole skušimen the goďavere muršen a me len ačhaďom vodcenge upral o ezeros, upral o šel, upral o penda the upral o deš murša. Ačhaďom the le kmeňengre vodcen.

5. Mojžišoskro 16:18

„Andre savore fori, so o RAJ, tumaro Del, del tumare kmeňenge, tumenge ačhaven sudcen the uradňiken. Ola murša mušinena te sudzinel le manušen čačipnaha.

5. Mojžišoskro 20:6

Hin kade ajso dženo, savo sadzinďa viňica a mek na kidňa o uľipen? Mi džal pale khere, hoj te na merel andre kada mariben a hoj olestar te na radisaľol aver dženo.

1. Samueloskro 17:18

Kala deš cirala ľidža le veľiťeľiske upral o ezeros (1 000) slugaďa. Dža, dikh, sar hin tire phralenge, a pheneha mange oda.