5. Mojžišoskro 20:4 - Le Devleskero Lav Andre Romaňi Čhib Slovensko 2021

⁴ Se o RAJ, tumaro Del, džal tumenca, ov pes tumare ňeprijaťeľenca marela vaš tumende, hoj tumen te zviťazinen.‘

5. Mojžišoskro 20:4 ပူးပေါင်းရင်းမြစ်များ

1. Kronicko 14:15

Sar šuneha o kroki upre pro balzamika stromi, takoj dža pro Filišťinci, bo o Del džal anglal tu len te marel.“

2. Kronicko 13:12

Vašoda o Del hino amaro vodcas a sar leskre rašaja trubinena, hoj te den znameňje pro mariben, ov amen ľidžala pre tumende! Muršale andral o Izrael, ma džan pes te marel le RAJEHA, savo hino Del tumare dadeskro! Na ela tumen bach!“

2. Mojžišoskro 14:14

O RAJ pes marela vaš tumenge a tumen avena čhit.“

Rimanenge 8:37

Ale andre kada savoro sam buter sar viťaza prekal o Ježiš, savo peske amen zakamľa.

5. Mojžišoskro 1:30

O RAJ, tumaro Del, savo džal angle tumende, pes marela vaš tumenge, avke sar oda furt kerelas andro Egipt angle tumare jakha

5. Mojžišoskro 11:25

Ňiko anglal tumende na obačhela. O RAJ, tumaro Del, kerela, hoj pes tumendar te daran o manuša pal caľi phuv, kaj džana, avke sar tumenge phenďa.

5. Mojžišoskro 3:22

Ma daran tumen lendar, bo o RAJ, tumaro Del, pes korkoro marela vaš tumende.‘

5. Mojžišoskro 31:6

Aven zorale, ma daran tumen lendar a ma izdran, bo o RAJ, tumaro Del, korkoro džal tumenca. Na omukela tumen a na džala tumendar het.“

5. Mojžišoskro 32:30

Sar šaj džal jekh ňeprijaťelsko slugaďis pro ezeros le Izraeloskre? Abo sar šaj zatraden duj džene lendar amare deš ezeren? Ča te len omukľahas lengri Skala a o RAJ len diňahas andre lengre vasta.

Jozua 10:11

Sar denašenas le Izraelitendar tele pal o brehos le dromeha andral o Bet-Choron, o RAJ diňa, hoj pre lende andral o ňebos te perel bare ľegošna krupi sar bara dži paš e Azeka avke, hoj ola, ko mule le ľegošne krupendar, sas buter sar ola, kas murdarde o Izraeliti le šabľenca.

Jozua 10:42

Savore kraľen lengre phuvenca zaiľa jekhvareste, bo o RAJ, o Del le Izraeloskro, pes marelas vaš o Izrael.

Jozua 23:10

O RAJ, tumaro Del, tumen diňa lav, hoj pes korkoro vaš tumenge marela, vašoda jekh tumendar zviťazinela upral o ezeros (1 000) murša.

1. Samueloskro 14:23

Oda džives o RAJ zachraňinďa le Izraeliten a o mariben sas dži paš o Bet-Aven.