5. Mojžišoskro 2:14 - Le Devleskero Lav Andre Romaňi Čhib Slovensko 2021

¹⁴ Tranda the ochto (38) berš amenge ľikerďa o drom andral e Kadeš-Barnea dži akor, sar pregeľam e dolina Zered. Akor imar mule avri savore maribnaskre murša andral oda calo pokoleňje avke, sar lenge iľa vera o RAJ.

5. Mojžišoskro 2:14 ပူးပေါင်းရင်းမြစ်များ

Žalmi 106:26

Avke hazdľa upre peskro vast a iľa vera, hoj len pre odi pušťa mukela te perel tele,

Žalmi 90:15

De amen ajci dživesa radišagos, keci sas pharipen; ajci berša, keci cerpinďam.

Žalmi 90:3

Le manušestar keres pale prachos; phenes: „Ačhen pale prachoske, manušale!“

Žalmi 90:9

Savore amare dživesa našľon andre tiri choľi, amare berša amenge predžan sig sar o dichos.

Žalmi 95:11

Vašoda andre choľi diňom lav: ‚Čačes na džana andre miro odpočinkos!‘ “

Ezechiel 20:15

No the avke pre pušťa iľom vera, hoj len na lava andre odi phuv, savi lenge diňom; andre phuv, kaj čuľal o thud the o medos; andre nekšukareder phuv savore phuvendar.

4. Mojžišoskro 1:1

Ešebno džives andro dujto čhon andro dujto berš pal oda, sar o Izraeliti avle avri andral o Egipt pre pušťa Sinaj, o RAJ prevakerďa ko Mojžiš andro Svetostankos a phenďa leske:

4. Mojžišoskro 13:26

Avle ko Mojžiš, Aron the Izraeliti andro Kadeš pre pušťa Paran. Phende lenge, so ode dikhle, a sikade o ovocje, so odarik ande.

4. Mojžišoskro 32:11

‚O murša, kaske sas biš (20) berš the buter, sar avle avri andral o Egipt, na džana andre phuv, pal savi diňom la veraha lav le Abrahamoske, le Izakoske, the le Jakoboske, bo pes mange na oddine cale jileha.

1. Korinťanenge 10:5

Ale buter džene lendar na sas pre dzeka le Devleske a mule pre pušťa.

5. Mojžišoskro 1:19

„Paľis pes mukľam te džal dureder le verchostar Choreb a phirahas pal odi bari the strašno pušťa, sava dikhľan pro drom, sar džahas ko Amorejika brehi, avke sar amenge oda prikazinďa o RAJ, amaro Del, a dogeľam dži paš e Kadeš-Barnea.

5. Mojžišoskro 1:2

O drom le Chorebostar dži paš e Kadeš-Barnea, so džal prekal o brehi le Seiroskre andre phuv Edom, ľikerel dešujekh (11) džives.

5. Mojžišoskro 1:46

Vašoda mušinďan te ačhel andro Kadeš ajci but časos, keci ode dživenas.“

5. Mojžišoskro 2:13

O RAJ amenge mek phenďa: ‚Akana ušťen a predžan prekal e dolina Zered.‘ Avke la pregeľam.

5. Mojžišoskro 2:16

Sar le manušendar mule avri savore maribnaskre murša,

5. Mojžišoskro 2:7

Se o RAJ, tumaro Del, tumen požehňinelas andre savoreste, so kerenas. Ov pes pal tumende starinelas, sar phirenas pal kadi bari pušťa. O RAJ, tumaro Del, hino tumenca imar saranda (40) berš a ňič tumenge na chibaľinelas.“ ‘

Jozua 24:7

Sar ke ma vičinenas, hoj lenge te pomožinav, bičhaďom maškar tumende the maškar o Egipťana e kaľi chmara. Paľis phundraďom o moros a tumen pregeľan, ale sar o Egipťana džanas pal tumende, diňom, hoj len o moros te zaučharel. Tumen korkore dikhľan, so lenge kerďom. Paľis but berša dživenas pre pušťa.

Jozua 5:4

Obrezinďa len vašoda, bo savore maribnaskre murša, save avle avri andral o Egipt, mule avri pre pušťa pal o drom andral o Egipt.

Jozua 5:6

Bo o Izraeliti phirenas pal e pušťa saranda (40) berš, medik na mule savore maribnaskre murša, save avle avri andral o Egipt, bo na šunenas le RAJES. O RAJ lenge andre vera phenďa, hoj na dikhena e phuv, andre savi čuľal o thud the o medos, pal savi diňa lav lengre phure daden, hoj lenge la dela.

Juda 1:5

Kamav tumenge te leperel, kajte oda imar savoro džanen, hoj o Raj ešeb zachraňinďa leskre manušen andral e egiptsko phuv, ale paľis murdarďa olen, ko na pačanďile.