5. Mojžišoskro 16:18 - Le Devleskero Lav Andre Romaňi Čhib Slovensko 2021

¹⁸ „Andre savore fori, so o RAJ, tumaro Del, del tumare kmeňenge, tumenge ačhaven sudcen the uradňiken. Ola murša mušinena te sudzinel le manušen čačipnaha.

5. Mojžišoskro 16:18 ပူးပေါင်းရင်းမြစ်များ

1. Kronicko 23:4

O David phenďa: „Lendar ačhavav 24 000, hoj te služinen andro Chramos le RAJESKRO, 6 000 uradňiken the sudcen,

1. Kronicko 26:29

Andral le Jisharoskro potomstvos, o Kenaniah the leskre čhave sas ačhade uradňikenge the sudcenge andro Izrael. On na služinenas andro Chramos.

Ezdraš 7:25

Tu, Ezdraš, ker goďaha avke, sar tut o Del diňa, ačhav sudcen the uradňiken, save mištes džanen o zakonos tire Devleskro a mi ľidžan le manušen andro Zapadno Eufrat, a ko na džanela o zakonos, oles sikaven!

2. Mojžišoskro 18:21

Kide tuke avri savore manušendar ajse muršen, save hine goďaver the pačivale, save pes daran le Devlestar a na dena pes te prepočinel. Ačhav len vodcenge upral o manuša; ačhav vodcen upral o ezeros, šel, penda the deš.

2. Mojžišoskro 21:22

Te pes o murša maškar peste marena a demena varesava khabňa džuvľa a oj našavela peskre čhavores, ale oj korkori oda predživela, oda dženo mušinel te počinel oda, so lestar mangela lakro rom – ajci, keci domukena o sudci.

2. Mojžišoskro 21:6

akor les leskro raj mušinel te anel pro than, kaj lašaren le Devles, a ode leske pro vudar abo pre zarubňa la suvaha mi premarel o kan. Avke ela leskro otrokos imar calo peskro dživipen.

Prislovja 31:23

Lakre romes mištes džanen paš e foroskri brana, kaj zabešel la phuvakre vodcenca.

Matuš 5:21

„Šunďan, hoj sas phendo le phure dadenge: ‚Na murdareha! Oda, ko murdarďahas, mušinel te džal pro sudos.‘

Matuš 5:22

Ale me tumenge phenav, hoj sako, ko rušel pre peskro phral, mušinel te džal pro sudos. Sako, ko phenďahas peskre phraleske: ‚Tu demado!‘, mušinel te džal angle Bari Rada. A sako, ko phenďahas: ‚Tu dilino!‘, ela čhido andro jagalo peklos.

5. Mojžišoskro 16:17

Sako tumendar mi obetinel ajci, keci leske o RAJ, leskro Del, požehňinďa.“

5. Mojžišoskro 16:19

Ma previsar o čačipen pro sudos. Ma dikh pro manuš, ale sudzin pal oda, so ko kerel. Ma de tut te prepočinel le manušeske, bo oda korarel o jakha le goďaverengre a previsarel o lava le čačipnaskre manušengre.

5. Mojžišoskro 17:12

Ale te vareko na kamela oda te doľikerel a na šunela le rašas, abo le sudcas, savo ode služinel le RAJESKE, tire Devleske, ajso manuš mi merel. Kavke odleha o nalačhipen le Izraelostar.

5. Mojžišoskro 17:9

Ode dža ko levitska rašaja the ko sudcas, savo hin andre oda časos pro urados, a phuč lendar, sar oda kampel te sudzinel, a on tuke phenena, so te kerel.

5. Mojžišoskro 21:2

akor džana o vodci the o sudci andral o fori, so hine pašal, a merinena, sar dur hin leskro ťelos ole forendar.

5. Mojžišoskro 25:1

„Te pes duj murša maškar peste vesekedinena a džana oleha pro sudos, hoj len o sudci te rozsudzinen, le čačipnaskres kampel te ospravedlňinel a le vinnovates te odsudzinel.

1. Samueloskro 8:1

Sar o Samuel sas imar phuro, ačhaďa peskre čhaven sudcenge andro Izrael.