5. Mojžišoskro 16:10 - Le Devleskero Lav Andre Romaňi Čhib Slovensko 2021

¹⁰ Paľis oslavineha o inepos le Kurkengro pre pačiv le RAJESKE, tire Devleske, a olestar, soha tut požehňinela o RAJ, tiro Del, jilestar aneha o daros pal oda, keci tuke o RAJ požehňinďa.

5. Mojžišoskro 16:10 ပူးပေါင်းရင်းမြစ်များ

1. Kronicko 29:14

Ale ko som me the mire manuša, hoj tut šaj diňam ajci dari? Se savoro hin tutar a akana tuke oda ča pale das.

2. Kronicko 31:14

O Levitas Kore, le Jimnoskro čhavo, sas stražňikos pre vichodno brana a ov sas ačhado te kidel le manušendar o dari, so anenas prekal o Del, a paľis len te rozďelinel.

2. Mojžišoskro 35:29

Savore Izraeliti ko kamenas, či murš vaj džuvľi, anenas le jilestar o daros le RAJESKE, hoj pes te kerel savoro, so o RAJ lenge prikazinďa prekal o Mojžiš.

Prislovja 10:22

O požehnaňje le RAJESKRO barvaľarel a na anel ňisavo pharipen.

Joel 2:14

Ko džanel? Talam čerinela peskro gondoľišagos, ela leske pharo a mukela pal peste o požehnaňje, hoj tumen te el e chabeneskri the e moľakri obeta prekal o RAJ, tumaro Del.

3. Mojžišoskro 12:8

Ale te la nane pre oda, hoj te obetinel bakrores, akor mi lel duje hrdličken abo duje holuben, jekhes pre labarďi obeta a jekhes pre obeta vaš o binos. O rašaj anela e obeta a oleha la obžužarela anglo Del a ela žuži.‘ “

3. Mojžišoskro 23:15

„ ‚Rachinen avri efta cala kurke ole dživesestar pal o šabat, sar anďan o snopos pre hazdľi obeta.

3. Mojžišoskro 25:26

Te ole manušes na ela ňiko, ko šaj odi maľa cinďahas avri, a paľis oda manuš barvaľola a ela les pre oda, hoj la te cinel pale,

3. Mojžišoskro 5:7

Te oda, ko kerďa binos, hino čoro a našťi anel la samica le stadostar, mi anel le RAJESKE duje hrdličken abo duje holuben – jekh le čiriklendar ela pre obeta vaš o binos a dujto pre labarďi obeta.

4. Mojžišoskro 28:26

Ešebno džives pro inepos le Kurkengro, sar anena le RAJESKE e chabeneskri obeta le ešebne uľipnastar, zdžana tumen, hoj te lašaren le RAJES a na kerena ňisavi buči.

4. Mojžišoskro 31:28

Paľis kide avri olestar, so chudle o slugaďa, o daňe le RAJESKE: po jekhes le pandž šel (500) manušendar, po jekhes le pandž šel bikendar, po jekhes le pandž šel somarendar the po jekhes le pandž šel bakrendar.

4. Mojžišoskro 31:37

a lendar dine sar daň le RAJESKE 675 bakre.

1. Korinťanenge 16:2

Kurke peske sako mi thovel pre sera ajci, keci šaj, hoj pes te na skidel upre o love ča akor, sar me imar avava.

2. Korinťanenge 8:10

Kada hin miri rada tumenge: Oka berš na ča hoj diňan ešebna, ale the ešebna oda kamenas te kerel.

2. Korinťanenge 8:12

Te kamen te del, le Devleske na džal pal oda, či tumen hin abo nane, ale pal oda, keci den olestar, so tumen hin.

5. Mojžišoskro 16:11

Radisaľuv anglo RAJ, angle tiro Del, pre oda than, so peske kidela avri o RAJ, hoj les ode te lašaren. Radisaľuv tu, tire čhave the tire čhaja, tire sluhi the tire služki, o Leviti, save bešen andre tiro foros, the o cudzinci, o široti the o vdovi, save hine paš tute.

5. Mojžišoskro 16:9

„Rachin efta kurke le časostar, sar chudeha te košinel le kosakoha e pšeňica.