5. Mojžišoskro 15:6 - Le Devleskero Lav Andre Romaňi Čhib Slovensko 2021

⁶ Bo o RAJ, tiro Del, tut požehňinela, avke sar diňa lav, a tu deha kečeň but naroden, ale ňiko tumendar na lela kečeň avre narodendar. Tumen vladňinena upral aver narodi, ale on upral tumende na vladňinena.

5. Mojžišoskro 15:6 ပူးပေါင်းရင်းမြစ်များ

1. Kronicko 17:27

Mangav tut, požehňin mira caľa famelija, hoj pro furt te ačhen pro tronos. Bo so tu požehňines, RAJEJA, ačhel furt požehňimen.“

2. Kronicko 9:26

Ov kraľinelas upral savore kraľa pašal o paňi Eufrat dži paš e phuv le Filišťincengri the dži paš o paňi Egipt.

Ezdraš 4:20

a hoj upral o Jeruzalem vladňinenas zorale kraľa, save ovladňinenas savore phuva pal o paňi Eufrat, a počinelas pes lenge o daňe the o clo.

Nehemiaš 9:27

Vašoda len diňal andro vasta le ňeprijaťeľenge a on len trapinenas. Sar andre oda pharipen ke tu vičinenas, tu len šunehas avri andral o ňebos. Andre tiro baro jileskeriben lenge bičhavehas vodcen, save len lenas avri andral o vasta le ňeprijaťeľengre.

Žalmi 112:5

O lačhipen avela pre oda, ko ščirones del kečeň, pre oda, ko kerel o veci čačipnaha.

Žalmi 37:21

O nalačho lel kečeň a na del pale, ale le spravodľivoneske hin pharo a del ščirones.

Žalmi 37:26

Furt hin leske pharo vaš avrenge a del len kečeň, leskre čhave ena pro požehnaňje.

Prislovja 22:7

O barvalo hino raj upral o čore; te varekaske kames love, sal leskro otrokos.

Лукастар 6:35

Ale kamen olen, ko pre tumende džan! Keren lenge o lačhipen, den kečeň a ma užaren pale. Avke ela tumaro počiňiben baro a avena o čhave le Nekbareder Devleskre, bo ov hino lačho the ko nalačhe the ke ola, ko leske na paľikeren.

5. Mojžišoskro 15:5

te mištes šuneha le RAJES, tire Devles, a te doľikereha savore prikazaňja, so tuke adadžives dav.

5. Mojžišoskro 28:44

Ov tut dela kečeň, ale tu les na. Ov ela o šero a tu aveha o chvostos.